თავისუფალი გაკვეთილები

პროგრამირების კლუბები

მთვარისა თალაკვაძე
7,8
ინტელექტუალური
Free lesson title სსიპ - ნიკო ბაგრატიონის (ბურის) სახელობის მცხეთის მუნიციპალიტეტის სოფელ მუხრანის №1 საჯარო სკოლა

2017 წლიდან ჩვენი სკოლა ჩაერთო თავისუფალი გაკვეთილების ფარგლებში მიმდინარე საპილოტე პროექტში - კოდინგის სასკოლო კლუბები. საქართველოს სკოლებში პროგრამირების კლუბების საპილოტე პროექტის ორგანიზატორები არიან: საქართველოს განათლების და მეცნიერების სამინისტრო, განათლების მართვის საინფორმაციო სისტემა, მასწავლებელთა პროფესიული განვითარების ეროვნული ცენტრი, კომპანია Microsoft georgia და საგანმანათლებლო ფონდი Educare Georgia.

პროგრამირების კლუბებში სასწავლო რესურსად გამოყენებული იქნება მსოფლიოში ერთ-ერთი ყველაზე ცნობილი, უფასო საგანმანათლებლო პლატფორმა Code.org. პროექტში ჩართულია VII-VIII კლასის 17 მოსწავლე (9 გოგონა და 8 ვაჟი). თავისუფალი გაკვეთილები ტარდება სკოლის ისტ-ის კაბინეტში. მოსწავლეები უზრუნველყოფილნი არიან გაკვეთილებისთვის საჭირო რესურსებით.

პროექტში მონაწილე მოსწავლეებს განუვითარდებათ ლოგიკური აზროვნების, პრობლემის გადაჭრისა და კომუნიკაციის უნარები.  წარმატებებს ვუსურვებ პროექტის ყველა მონაწილეს.

4

პროგრამირების კლუბები

კომენტარი (0)

თქვენი ჯამური შეფასება თავისუფალ გაკვეთილზე

0 ქულა 5 ქულიდან
0% 0% 0% 0% 0%
1 ქულა 2 ქულა 3 ქულა 4 ქულა 5 ქულა

კომენტარები

დაგვიწერეთ თქვენი მოსაზრება


9

2017-05-18

 გაკვეთილი #20

შემაჯამებელი გაკვეთილი

   დღევანდელი გაკვეთილი გამორჩეული იყო. დასკვნითი გაკვეთილი დავიწყეთ  განვლილი მასალის გამეორებით.  შევაჯამეთ მთლიანი კურსი და  განვიხილეთ ყველა აქტივობა. კლუბის წევრებმა მოახდინეს ინდივიდუალური და ჯგუფური თამაშების პრეზენტაცია. ყველა მოსწავლეს კურსი 2-ის დასრულებასთან დაკავშირებული სერტიფიკატი გადაეცა.  

    აღსანიშნავია, რომ რამდენიმე მოსწავლემ პროგრამირების შესწავლის განსაკუთრებული ინტერესი გამოიჩინა. მათ  სურთ დაეუფლონ პროგრამისტის პროფესიას. იმედი მაქვს, რომ შესწავლილი კურსი მათ ამ მიზნის მიღწევაში დაეხმარებათ. ყველას ვუსურვებ სამომავლო გეგმების წარმატებით განხორციელებას. 

9

2017-05-11

გაკვეთილი #19

ჩადგმული ციკლები

     გაკვეთილი დავიწყეთ განვლილი მასალის გამეორებით. მოსწავლეები  გამოიყენეს მხატვრის გარემო, იმგვარი პროგრამების დასაწერად, რომელშიც ციკლური ბრძანებები სხვა ციკლებში იქნებოდა მოთავსებული. ამას ჩადგმული ციკლები ეწოდება.  კლუბის წევრებმა ეს მოქმედება კარგად აითვისეს და მისი დახმარებით შეადგინეს ინდივიდუალური თამაშის პროგრამები.  შემდეგ კი გააგრძელეს მუშაობა ჯგუფურ პროექტზე.  

9

2017-05-04

გაკვეთილი #18

თქვენი ციფრული ნაკვალევი

      გაკვეთილი შექმნილია Common Sense Media-სთან თანამშრომლობით და კლუბის წევრებს ეხმარება რეალურ ცხოვრებასა და ვებ-გვერდების გახსნისას უსაფრთხოების დაცვას შორის მსგავსების გააზრებაში. მოსწავლებმა გაიგეს, რომ ინფორმაცია, რომელსაც ისინი ონლაინში ათავსებენ ქმნის ციფრულ ნაკვალევს, ან "კვალს". ეს კვალი შეიძლება იყოს დიდი, ან პატარა, სასარგებლო, ან საზიანო, გააჩნის, როგორ იყენებენ მას.

     კლუბის წევრებმა გაიგეს, რომ უსაფრთხოების დაცვა ვებ-გვერდის მონახულებისას იგივეა რაც უსაფრთხოება რეალურ სამყაროში; ისწავლეს როგორ ამოიცნონ ვებ-გვერდები, რომელთა მონახულებაც მათთვის უსაფთხოა; შეისწავლეს, რომელია ონლაინში განსათავსებლად შესაფერისი ინფორმაცია. გაკვეთილის დასასრულს შეავსეს ციფრული ნაკვალევის შეფასების ფურცლები.

გაკვეთილის ფრაგმენტი


9

2017-04-27

გაკვეთილი #17

თამაშების ლაბორატორია: ისტორიის შექმნა

         ეს კურსში შემავალი ყველაზე თავისუფალი აქტივობაა. საბოლოო ეტაპზე მოსწავლეებს აქვთ საკუთარი ისტორიის შექმნის სრული თავისუფლება. ანიმირებული ისტორიის შესაქმნელად კლუბის წევრებს აქამდე ნასწავლი კოდირების უნარების გამოყენება სჭირდებათ. კლუბის წევრებმა გაკვეთილზე ხალისით იმუშავეს და თანმიმდევრობის, ციკლებისა და მოვლენების დამმუშავებლის გამოყენებით ანიმირებული ინტერაქტიული ისტორიები შექმნეს.

იხ. გაკვეთილის ფრაგმენტი:

9

2017-04-26

გაკვეთილი #16

Flappy თამაში

     გაკვეთილის დასაწყისში მოსწავლეებს შევახსენე კლასში ახსნილი ბოლო გაკვეთილი, შემდეგ ივარჯიშეს მოვლენების მეშვეობით პროგრამების შეცვლაზე. ამ ეტაპზე კლუბის წევრებმა გააკეთეს საკუთარი ფლაპი თამაში, რომელიც მოვლენის დამმუშავებლის საშუალებით მაუსზე დაწკაპუნებისა და ობიექტის ურთიერთქმედებას ამოიცნობს. გაკვეთილის ფინალურ ეტაპზე მოსწავლეებმა შეძლეს საკუთარი თამაშის დამუშავება და უნიკალურობის გაზრდა, მათ ნახეს რომ დაწესებული შეზღუდვების პირობებშიც შესაძლებელია განსხვავებული თამაშების შექმნა.

იხ. გაკვეთილის ფრაგმენტი

 

9

2017-04-21

გაკვეთილი #15

დიდი მოვლენა

     წინა გაკვეთილებზე შევქმენით ალგორითმები რომლებმაც მეგობრის კონტროლის საშუალება, ან რამდენიმე ნაბიჯის ერთდროულად "დაფლურბვის" საშუალება მოგვცა. ეს სახალისო და საჭირო იყო, მაგრამ რა ხდება მაშინ, როდესაც წინასწარ არ ვიცით ყველაფერი, რაც მეგობარს უნდა გააკეთებინოთ? სწორედ აქ ერთვება მოვლენები! მოვლენები შესანისნავი გზაა წინასწარ დაწერილი ალგორითმისთვის სახესხვაობის დასამატებლად. ხანდახან საჭიროა, რომ თქვენმა პროგრამამ ზუსტად მაშინ უპასუხოს მომხმარებელს როდესაც მას უნდა. სწორედ ეს არის მოვლენების დანიშნულება. მოსწავლეები ეცნობიან პროგრამირების ახალ ცნებას – „მოვლენებს“. მოვლენები ისეთი მოქმედებებია, რომელთაც კომპიუტერი მუდამ აკვირდება. მასწავლებელი ქაღალდის პულტზე ღილაკებს დააწვება, მოსწავლეები კი საპასუხო რეაქციას გამოავლენენ იმის მიხედვით, თუ რომელ ღილაკს დააწვა მასწავლებელი. კლუბის წევრებმა იმუშავეს -ის მეთხუთმეტე ეტაპის პრაქტიკულ ნაწილზე, რომლის შემდგომ შეავსეს შეფასების ფურცლები.


9

2017-04-13

გაკვეთილი #14

ორობითი სამაჯურები

    გაკვეთილის დასაწყისში კლუბის წევრებმა მოისმინეს ჩემ მიერ მომზადებული პრეზენტაცია თვლის სისტემების შესახებ. განვიხილეთ თვლის ათობითი და ორობითი სისტემები და კავშირი მათ შორის. მოსწავლეებმა შეისწავლეს კიდევ ერთი ახალი სიტყვა - ორობითი, რაც ინფორმაციის მხოლოდ ორი პარამეტრით ჩაწერის საშუალებაა. კლუბის წევრებმა ინდივიდუალურად იმუშავეს სამუშაო ფურცლებზე, სადაც ორობითი გაშიფვრის გასაღებში იპოვეს საკუთარი სახელის პირველი ასო და გააფერადეს სამაჯურზე არსებული კვადრატები არჩეული ასოს შესაბამისად, შემდეგ გამოჭრეს სამაჯურები და დაიმაგრეს მაჯაზე. შემდეგი აქტივობის დროს  მოსწავლეთა წყვილებს დავურიგე სამუშაო ფურცლები, სადაც ორობითი კოდებით დაშიფრული იყო შეტყობინება. წყვილებმა იოლად ამოიცნეს რა იყო დაშიფრული და დაწერეს სპეციალურად გამოყოფილ ადგილზე. დასასრულს კლუბის წევრებმა შეასრულეს code.org-ის ტესტები. გაკვეთილმა კლუბის წევრების დიდი მოწონება დაიმსახურა.

9

2017-04-06

გაკვეთილი #13

ფუტკარი: პირობითი ბრძანებები (ბანქოთი შეფასება)

    გაკვეთილის დასაწყისში კლუბის წევრებმა გაიხსენეს განვლილი მასალა, მოყვანილი პროგრამების მაგალითების საფუძველზე განსაზღვრეს გარემოებები, როდის უნდა გაეშვას პროგრამის გარკვეული ნაწილები და როდის არა, ასევე დაადგინეს, როდის დაკმაყოფილდება კრიტერიუმზე დაფუძნებული პირობა. გაკვეთილზე მოხდა ახალი მნიშვნელოვანი ფრაზის - "პირობითი ბრძანებები"- შესწავლა. ( პირობითი ბრძანებები - მოქმედება, რომელიც მხოლოდ გარკვეული პირობების დადგომისას სრულდება). მოსწავლეებმა ერთად შექმნეს რამოდენიმე პროგრამა, რომელიც დამოკიდებული იყო ბანქოს ფიგურაზე, ფერზე, მნიშვნელობაზე. გუნდებად მუშაობის დროს კლუბის წევრებმა გამოიყენეს რამდენიმე პირობის კომბინაცია რასაც  "ჩადგმული პირობები" ქვია და მოიყვანეს შესაბამისი მაგალითები. დასასრულს შეავსეს დავალების ფურცლები.

იხ. სლაიდშოუ

9

2017-03-30

გაკვეთილი #12

პირობითი ბრძანებები

      ამ გაკვეთილზე პროგრამირების კლუბის წევრებმა განსაზღვრეს გარემოებები, როდის უნდა გაეშვას პროგრამის გარკვეული ნაწილები და როდის არა, დაიწყეს პირობითი ბრძანებების საჭიროების აღმოჩენა და შესწავლა. მოახდინეს პროგრამის ტრავერსირება და შედეგის წინასწარ განსაზღვრა, შეყვანილი მონაცემების მიხედვით. მოსწავლეებმა ხალისით იმუშავეს ჩემ მიერ თემის ახსნისა და განმტკიცებისთვის გამოყენებულ  რამდენიმე სახალისო ამოცანაზე. აქ მოსწავლეებს პირობითი ბრძანებების შესაფასებლად დასჭირდათ ბანქოს ქაღალდის გამოყენება, რათა ჯგუფებში შედეგები დაეთვალათ. გაკვეთილის ბოლოს კლუბის წევრები შევიდნენ code.org-ზე და შეასრულეს პრაქტიკული დავალება.

იხ. სლაიდშოუ

9

2017-03-23

გაკვეთილი #11

მხატვარი: ბაგების გამოსწორება

    ამ გაკვეთილზე კლუბის წევრებმა, მხატვრის დახმარებით, გააგრძელეს დებაგის (შეცდომების გასწორების) უნარების განვითარება და არასწორად დახატული სურათები გამოასწორეს. მოსწავლეებს არ გასჭირვებიათ პროგრამის გაჭედვის ამოცნობა და შეცდომების გასასწორებლად არსებული პროგრამის შეცვლა. მოსწავლეებმა ასევე ხალისით შეასრულეს ჩემ მიერ მიცემული დავალება დაუბრუნდნენ წინა დონეებს და საკუთარ კოდს სპეციალურად დაამატეს ბაგები, რომლის შემდეგაც მოახდინეს ერთმანეთის კოდის დებაგი. სწავლების გასაუმჯობესებლად, გაკვეთილის დასასრულს, მათ ერთმანეთს გაუზიარეს დებაგის ტაქტიკა და სირთულეები.

იხ. გაკვეთილის ამსახველი სლაიდშოუ

9

2017-03-16

გაკვეთილი #10

ფუტკარი: ბაგების გამოსწორება

     გაკვეთილის დასაწყისში მოსწავლეებმა იმუშავეს წყვილებში. თითოეულმა მოსწავლემ შექმნა ქაღალდის თავსატეხი, რომლის შესაბამის პროგრამაში არსებული შეცდომები  "ბაგები" აღმოაჩინა მეწყვილემ და მოახდინა "დებაგი"- შეცდომების გასწორება. Code.org-ის კურსი 2-ის მეათე ეტაპის შესრულებისას მოსწავლეები შეეჩეხნენ ისეთ თავსატეხებს, რომლებიც არასწორად იყო ამოხსნილი. ბაგების, მათ შორის არასწორი ციკლების, გამოტოვებული, ზედმეტი ან არასწორი თანმიმდევრობით განლაგებული ბლოკების გასასწორებლად, მათ არსებული კოდის ნაბიჯ-ნაბიჯ შემოწმება დასჭირდათ. გაკვეთილის დასასრულს მოსწავლეები დაუბრუნდნენ წინა დონეებს და საკუთარ კოდს სპეციალურად დაამატეს ბაგები, რომლის შემდგომ ერთმანეთის კოდის დებაგი მოახდინეს.

იხ. გაკვეთილის ამსახველი სლაიდშოუ

იხ. გაკვეთილის ფრაგმენტი

9

2017-03-09

გაკვეთილი #9

პროგრამირების ესტაფეტა

  გაკვეთილის დასაწყისში განვიხილეთ კლასში ახსნილი ბოლო გაკვეთილი, რომლის დროსაც კლუბის წევრებმა უპასუხეს რამდენიმე კითხვას: რა გავაკეთეთ ბოლოს? გაკვეთილის შემდეგ, თუ იფიქრეთ კითხვებზე, რომელთა დასმაც გსურდათ? წინა გაკვეთილის რომელი ნაწილი მოგეწონათ ყველაზე მეტად?

აქტივობა 1

     ქაღალდზე გრაფიკული პროგრამირების გახსენება. მოსწავლეები მუშაობენ ინდივიდუალურად და ავსებენ სამუშაო ფურცელს, რომელშიც უნდა აღმოაჩინონ ბაგები (შეცდომები) და მოახდინონ მათი დებაგი (შეცდომის აღმოფხვრა).

აქტივობა 2 - პროგრამირების ესტაფეტა

   ეს აქტივობა კლუბის წევრებისთვის ძალიან სახალისო აღმოჩნდა. პროგრამირების გუნდურ ესტაფეტაში 4-5 კაციან ჯგუფებად დაყოფილმა მოსწავლეებმა დავალების სურათები იოლად აღწერეს პროგრამის საშუალებით. ესტაფეტა რამდენჯერმე ითამაშეს. გამოსახულებები ნელ-ნელა გავართულეთ.

აქტივობა 3 - ერთად მოვახდინოთ დებაგი

    თითოეულმა მოსწავლემ დაწერა ჩემ მიერ დაფაზე დახატული გამოსახულების პროგრამა. მოსწავლეებმა მუშაობის დამთავრების შემდეგ ერთმანეთს გაუცვალეს პროგრამები და მოახდინეს ერთმანეთის კოდის დებაგი. მოხალისე მოსწავლემ კლუბის წევრებს წარმოუდგინა საკუთარი ნაშრომი.

გაკვეთილის ამსახველი სლაიდშოუ

9

2017-03-07

გაკვეთილი #8

ფუტკარი: ციკლები

აქტივობა 1.

     კლუბის წევრებმა youtube.com-ზე მოძებნეს პოპულარული ცეკვების ვიდეოები განმეორებადი ილეთებით და აღმოაჩინეს ციკლები. მოსწავლეებმა ჩემ მიერ დარიგებული ცეკვის ილეთების ამსახველი სურათების  საფუძველზე დაალაგეს მოძრაობები და საკუთარი ცეკვა მთელ კლასს წარმოუდგინეს.

აქტივობა 2 - პრაქტიკული სავარჯიშოები.

    code.org -ის კურსი 2-ის მერვე ეტაპის შესრულების დროს კლუბის წევრებმა იოლად აღმოაჩინეს განმეორებადი აქტივობები და ციკლში მოაქციეს.

გაკვეთილის ამსახველი სლაიდშოუ 

9

2017-03-02

გაკვეთილი #7

მხატვარი: ციკლები  

   გაკვეთილის დასაწყისში მოსწავლეებს ვთხოვე დაესახელებინათ რაც შეიძლება მეტი მარტივი ფიგურა. ჩამოთვლილი ფიგურებიდან ყურადღება გავამახვილეთ ერთნაირი გვერდებისა და კუთხეების მქონე ფიგურებზე. 

აქტივობა 1. მოსწავლეებს დავურიგე ორი ფურცელი. ვთხოვე პირველ ფურცელზე დაეხატათ ფიგურა თანაბარი გვერდებითა და კუთხეებით, ხოლო მეორეზე ციკლების მეშვეობით დაეწერათ ამ ფიგურის ასლის შესაქმნელი ინსტრუქციები. მოსწავლეებმა შექმნილი ინსტრუქციები ერთმანეთში გაცვალეს  და სცადეს დაეხატათ ფიგურები მხოლოდ ახლად შექმნილი ინსტრუქციებით. 

აქტივობა 2. კლუბის წევრებმა შეასრულეს  code.org-ის კურსი ორის მეშვიდე ეტაპის პრაქტიკული დავალებები.

იხილეთ გაკვეთილის ამსახველი სლაიდშოუ

9

2017-02-25

გაკვეთილი #6

ლაბირინთი: ციკლები

დასაწყისში მოსწავლეებმა უპასუხეს ჩემ მიერ დასმულ კითხვებს:

  • რა არის ციკლები?
  • რისთვის ვიყენებთ მათ?

აქტივობა 1

    მოსწავლეებს დავურიგე ქმედებების და ცეკვის ილეთების ამსახველი სურათები, საიდანაც შერჩეული მოძრაობების მიხედვით მოხალისე მოსწავლეებმა წარმოადგინეს საკუთარი ნამუშევრები განმეორებადი ილეთებით. კლუბის წევრებმა იოლად აღმოაჩინეს ციკლები.

აქტივობა 2

კლუბის წევრებმა იმუშავეს code.org-ის მეორე კურსის მეექვსე გაკვეთილის შესაბამის დავალებაზე.

იხილეთ ვიდეო

9

2017-02-23

გაკვეთილი #5

ჩაციკვლა

გაკვეთილზე განვიხილეთ განმეორებადი მოქმედებების აღწერის მოსახერხებელი გზა - ციკლები.

ქვემოთ მოყვანილი აქტივობების მეშვეობით მოსწავლეებმა ივარჯიშეს მოქმედებების მიმდევრობის ციკლად გარდაქმნაში.

პირველი აქტივობა: ჩემი თხოვნით მოხალისე მოსწავლე მაგიდას გარშემო უვლის რამდენჯერმე. მოსწავლეები ჩემთან ერთად ამ დავალების მიცემის უფრო ადვილ ინსტრუქციას აყალიბებენ და ასახელებენ ჩაციკვლის განსხვავებულ მაგალითებს.

მეორე აქტივობა:კლუბის წევრებმა განიხილეს ჩაციკვლის  სამუშაო ფურცლი და შეასრულეს შესაბამისი ცეკვის ილეთები. ინსტრუქციებში მოსწავლეებმა აღმოაჩინეს ციკლი და შექმნეს ცეკვის სხვადასხვა ვარიანტი. 

განვრცობილი სწავლება

ჩემ მიერ დარიგებული ცეკვის ილეთების ამსახველი სურათებიდან კლუბის წევრებმა დაალაგეს საკუთარი ცეკვის მოძრაობები და დაამატეს ციკლები. გაკვეთილის დასასრულს მოსწავლეებმა code.org -ზე შეასრულეს  შესაბამისი დავალება.

იხილეთ ვიდეო

9

2017-02-18

გაკვეთილი #4

მხატვარი: თანმიმდევრობა

გაკვეთილის დასაწყისში განვიხილეთ განვლილი მასალა, რომლის შემდეგაც მოსწავლეებმა მოისმინეს ჩემს მიერ მომზადებული მეოთხე გაკვეთილის შესაბამისი პრეზენტაცია.

გაკვეთილის მიმდინარეობის პროცესში კლუბის წევრებმა  code.org -ის მეოთხე ეტაპის პრაქტიკული სავარჯიშოები შეასრულეს.  მოსწავლეებმა  იოლად მოახდინეს მათემატიკის გაკვეთილებზე მიღებული ცოდნის ტრანსფერი მათთვის უცნობ ახალ სიტუაციაში და დაეხმარნენ  მხატვარს ნახატის დასრულებაში.

იხილეთ ვიდეო


9

2017-02-16

გაკვეთილი #3

ლაბირინთი: თანმიმდევრობა

"გრაფიკული პროგრამირება ქაღალდზე" და "ცხოვრებისეული ალგორითმები/ქაღალდის თვითმფრინავები"-დან მიღებული გამოცდილების შედეგად კოდინგის კლუბის წევრებმა წარმატებით გაართვეს თავი მესამე გაკვეთილის თემას  - ლაბირინთი:თანმიმდევრობა. თამაშის "Angry Birds" გმირების გამოყენებით მოსწავლეებმა წარმატებით დაძლიეს ყველა თავსატეხი და გაიარეს ლაბირინთის თერთმეტი ბიჯი.

9

2017-02-11

გაკვეთილი #2

ცხოვრებისეული ალგორითმები/ქაღალდის თვითმფრინავები

გაკვეთილის დასაწყისში მოსწავლეებმა მოისმინეს ჩემ მიერ მომზადებული მეორე გაკვეთილის პრეზენტაცია. ერთად განვიხილეთ ცხოვრებისეული ალგორითმების სხვადასხვა შემთხვევები. კლუბის წევრებმა შეასრულეს პრაქტიკული სავარჯიშოები ალგორითმების სწორად ფორმირებასთან დაკავშირებით და გააკეთეს ქაღალდის თვითმფრინავები.

ყველა მოსწავლე აქტიურად და ხალისით იყო ჩართული საგაკვეთილო პროცესში. დასასრულს მათ შეასრულეს საგაკვეთილო თემასთან დაკავშირებული ტესტები code.org-ზე.

იხილეთ ვიდეო

9

2017-02-09

გაკვეთილი#1

გრაფიკული პროგრამირება ქაღალდზე

მოსწავლეებს ვესაუბრე საპილოტე პროექტის შესახებ. თითოეული მათგანი ჩემი დახმარებით დარეგისტრირდა საიტზე code.org. შევქმენი ახალი კლასი და კლუბის წევრი ყველა მოსწავლე მასში გავაერთიანე. მოსწავლეებმა მოისმინეს ჩემ მიერ მომზადებული პირველი გაკვეთილის პრეზენტაცია და ხალისით შეუდგნენ გაკვეთილის შესაბამისი აქტივობების შესრულებას. 

გაკვეთილის ბოლოს მოსწავლეებმა შეავსეს შეფასების ფურცლები.

იხილეთ ვიდეო

X