სსიპ - ჭიათურის მუნიციპალიტეტის სოფელ ზოდის საჯარო სკოლა საქართველოს განათლებისა და მეცნიერების სამინისტროს მიერ წამოწყებულ ინიციატივას თავისუფალი გაკვეთილების ჩატარების შესახებ სიამოვნებით შეუერთდა ზოდის საჯარო სკოლა მიმართულებით -წიგნიერება, პროექტში ჩართული არის მე-7 მე-8 კლასის 24 მოსწავლე. პროექტი ეხება ჩარლზ დიკენსის ნაწარმოების ,,დავით კოპერფილდის" მიხედვით მოსწავლეებში მარადიული და კაცობრიობისათვის მნიშვნელოვანი ღირებულებების განვითარებას, როგორიცაა თანაგრძნობა და ერთგულება, პატიოსნება, ნებისყოფა, კაცთმოყვარეობა. თემის აქტუალობა უფრო მძაფრი ხდება ტანამედროვე ტექნიკური მიღწევების ეპოქაში როცა ბოლომდე არ არის ადამიანის გონების ჰორიზონტი გახსნილი, როცა ადამიანი მასობრივი განადგურების იარაღს იყენებს, მას უნდა დაუპირისპირდეს სიყვარული, თანადგომა, ერთგულება, როგორც სიკეთის იარაღი.
პროექტის ფარგლებში აქტივობის სახით განხილული იქნება ისეთი თემები, როგორიცაა: ა) რა არის წიგნიერება? ბ) თანაგრძნობა და ერთგულება, პატიოსნება და ალალმართლობა - უმწეობა თუ სიძლიერე? დ) კაცთმოყვარეობა - კაცობრიობის დიდი მონაპოვარი, ე) ნებისყოფის სიმტკიცე - როგორც სიკეთის ძალა.
მე-7 ,მე-8 კლასის მოსწავლეებმა მთელი სკოლის მოსწავლეებისათის ჩატარდა ღონიძიება მიძღვნილი .....ჰობიტებზე, რომლებმაც წარმოადგინეს პრეზენტაციები ნახატებისა და ესეების სახი. .გაიზარდა ინტერესი აღნიშნული ნაწარმოების მიმართ, გაიზარდა წიგნებზე მოთხოვნილება.
მე-7 , მე-8 კლასის მოსწავლეები კითხულობენ ტექსტს, თითეული მონაკვეთის წაკითხვის შემდეგ , ხდება წაკითხულის გააზრება და გაგება. მოსწავლეები იძენენ ანალიზის უნარს.
მოსწავლეებს შორის კითხვის დროს, გარკვეული მონაკვეთის წაკითხვის შმდეგ, მოსწავლეები ირგებენ პერსონაჟების როლებს და განასახიერებენ . მოსწავლეებმა ადვილად დაიმახსოვრეს ტექსტის შინაარსი და აზრი
მოსწავლეებს შორის ტექსტის კითხვის დროს ხდება უცხო სიტყვებისა და გეოგრაფიული სახელების არა რეალური სიუჟეტების ახსნა - განმარტება და რვეულში მონიშვნა .მოსწავლეები სწავლობენ ინფორმაციის მიღებასა და ორგანიზებას .
თავისუფალი გაკვეთილების ფარგლებში მოსწავლეები თხზავენ ამბავს ჰობიტებზე და წარმოადგენენ კლასის წინაშე თავიანთ ნაშრომს. მოსწავლეებმა შეიძინეს თხრობის უნარი.
თავისუფალი გაკვეთილების ფარგლებში მე-7, მე-8 კლასში ჩატარდა კითხვა- პასუხი : რა იცით ჰობიტების შესახებ? ვინ არიან ჰობიტები? როგორ გამოიყურებიან? მოსწავლეები ინტერესდებიან ჰობიტების შესახებ ინფორმაციით და გამოთქვეს სურვილი სახლში გააგრძელონ კითხვა.
მე-7 , მე-8 კლასში მოსწავლეებთან ერთად გავაანალიზეთ რა არის თავგადასავალი. ჩავატარეთ მცირე გამოკითხვა მოსწავლეებში - გიყვართ თუ არა თავგადასავალი . განხორციელებული აქტივობის შედეგად მოსწავლეებმა გამოიჩინეს ნაწარმოების წაკითხვის ინტერესი.
გაკვეთილი ძალიან საინტერესოდ დაიწყო, მოსწავლეებმა, ვისაც შეეძლო თავისი ფანტაზიით წარმოადგინეს ნახატები , სადაც ჰობიტები არიან წარმოდგენილი.
გაიმრთა საინტერესო მსჯელობა ჰობიტებზე და ელფებზე, მოსწავლეებმა გადაწყვიტეს მოიგონონ მცირე ზომის ამბავი ჰობიტებზე, თავიანთი ფანტაზიით წარმოიდგინონ მათი არსებობა, ხოლო შემდეგ სასკოლო ღონისძიებაზე მოაწყონ ინსცენირება საკუთარი შეთხზული ამბის
ახალი 2017-18 სასწავლო წლის პირველ სემესტრის დასაწყისში თავისუფალი გაკვეთილების ფარგლებში ზოდის საჯარო სკოლაში გაიმართა მომდევნო გაკვეთილი , რომელიც დაიწყო რობერტ ტოლკინ -ის ნაწარმოების ,, ჰობიტის ''კითხვით. წინასწარ მოსწავლეებს მწერლის შესახებ, მივაწოდე ინფორმაცია თუ რას წარმოადგენს ჰობიტი ვინ არიან ჰობიტები, ვინ არიან ელფები. ამის შემდეგ მოსწავლეებმა გაიხსენეს ფილმები სადაც ჰობიტები არიან მთავარი პესონაჟები და ნახეს ნაწყვეტები ფილმიდან ,, ჰობიტი მოულოდნელი მოგზაურობა ''
მოსწავლეებმა დიდი ინტერესით წაიკითხეს ოსკარ უაილდის ერტგული მეგობარი. ტექსტის წაკითხვის შემდეგ მოსწავლეებმა დაახასიათეს მთავარი პერსონაჟები და იმსჯელეს ადამიანის ყველაზე მნიშვნელოვან ღირებულებაზე მეგობრობაზე, მათ თავისი სიტყვებით და შხედულებით ახსნეს თუ რა მნიშვნელობა აქვს მეგობრობას ადამიანების ურთიერთობის დროს. დაახასიათეს მთავარი გმირები და იმსჯელეს ვის უფრო შეუძლია მეგობრობა მდიდარს თუ ღარიბს. ბოლოს დაასკვნეს, რომ სიმდიდრემ მეგობრობის უნარი არ უნდა დააკარგვიოს ადამიანს და მეგობრობა სიმდიდრეზე და სიღარიბეზე არ უნდა იყოს დამოკიდებული.
მოსწავლეებმა ინტერესით წაიკითხეს მებადური და მისი სული, სადაც საუბარია ადამიანისა და ქალთევზის სიყვარულზე. მოსწავლეებმა განსაკუთრებული ინტერესი გამოიჩინეს ამ უჩვეულო სიყვარულის მიმართ. გაიმართა დისკუსია, რომლის დროსაც იმსჯელეს ზოგადად სიყვარულზე და იმაზე, რომ ადამიანური სიყვარული ყოველგვარ სიმდიდრეზე უძვირფასესია, რომ ადამიანი, რომელსაც სიყვარულის უნარი გააჩნია, ყოველთვის სანდო და საიმედო მეგობარია, შეუძლია ერთგულება და თანადგომა.იხილეთ ვიდეო
სასწავლო წლის ბოლოს ჩატარდა შემაჯამებელი გაკვეთილი წიგნიერებაში, სადაც მოსწავლეებმა შეაჯამეს განვლილი გაკვეთილებზე წაკითხული მოთხრომები, გამოთქვეს აზრი , რა იყო მათთვის დასამახსოვრებელი და გასათვალისწინებელი, წარმოადგინეს მათ მიერ დახატული თავიანთი საყვარელი პერსონაჟების პორტრეტები. იხილეთ ვიდეო
ოსკარ უაილდი ––– ,,ღირსშესანიშნავი შუშხუნა’’
მოსწავლეებმა მასწავლებლის დახმარებით ტექსტის კითხვის დაწყებამდე, გაიაზრეს და გააანალიზეს რა არის პატივმოყვარეობა. ტექსტის კითხვის დროს მოსწავლეები ადვილად აოიკითხეს ალეგორია, სადაც სათამაშოების სამყარო ადამიანთა საზოგადოებას ასახავს, რომლის ცენტრში პატივმოყვარეობით შეპყრობილი და აღვსილი ამპარტავანი შუშხუნა დგას, რომელსაც ჰგონია, რომ დიდ სენსაციას მოახდენს თავისი აფეთქებით , მაგრამ ის ისე აფეთქდა, რომ არავის შეუმჩნევია. მოსწავლეებმა განსაკუთრებული ხალისით იმსჯელეს პატივმოყვარე ადამიანზე და შესაბამისი მაგალითებიც მოიყვანეს .
გაკვეთილის ბოლოს ყველანი შეთანხმდნენ, რომ პატივმოყვარეობამ ძალიან სასაცილო მდგომარეობაში შეიძლება ჩააგდოს ადამიანი და შეიძლება ცხოვრებაში ვერაფერს წარმატებას ვერ მიაღწიოს.
თემა– ოსკარ უაილდი ,, ახალგაზრდა მეფე ‘’
გაკვეთილის მიზანია მოსწავლეების მიერ სოციალური პრობლემოს გააზრება.
გაკვეთილზე წასაკითხი ტექსტი მონაკვეთებად დაიყო და მოსწავლეები მონაცვლეობით კითხულოდნენ. თითეული მონაკვეთის წაკითხვის შემდეგ მოსწავლეები გამოთქვამდნენ თავიანთ აზრს იმის შესახებ, რომ ადამიანები არიან მდიდრებიც, ღარიბებიც. გაიმართა დისკუსია – სიმდიდრე ბოროტებაა? დისკუსია ძალიან საინტერესოდ წარიმართა . მოსწავლეებმა იმსჯელეს ახალგაზრდა მეფის საქციელზე და გამოიტანეს დასკვნა, რომ არ შეიძლება ადამინები სხვა ადამიანების დაჩაგვრისა და შრომის ხარჯზე მდიდრდებოდნენ, რომ ჩვენს სინამდვილეშიდაც არიან ღარიბი ადამიანები და ისინი სოციალურად დაუცველები არიან და მათზე ზრუნავს სახელმწიფო, მდიდარი ადამიანები კი ქველმოქმედებას ეწევიან.
,,თავკერძა გოლიათი’’
გაკვეთილის მიზანია მოსწავლეებმა გაიაზრონ და ამხილონ ადამიანური ეგოიზმისა და ანგარების არსი.
ტექსტის წაკითხვამდე მოსწავლეები მასწავლებელის დახმარებით იაზრებენ რა არის ეგოიზმი და რა არის ანგარება. ტექსტის წაკითხვის შემდეგ მასწავლებელი სთხოვს მოსწავლეებს გამოკვეთონ, მთავარი გმირის ის ქცევა , რომელიც განსაზღვრავს მის ეგოისტობას, აღწერონ თავკერძა გოლიათის ბაღი და იმსჯელონ, რატომ დაისადგურა ამ ულამაზეს ბაღში ზამთარმა. მოსწავლეები მსჯელობენ თავკერძა გოლიათის ბოროტი და კეთილი საქციელის შედეგს.
გაკვეთილის ბოლოს მოსწავლეები ქმნიან მოთხრობას ,თავკერძა გოლიათის " ბაღის ,,გაზაფხული".
თავისუფალი გაკვეთილების ფარგლებში მოსწავლეები გაეცვნენ ოსკარ უაილდის ნაწარმოებს ,,ბედნიერი უფლისწული’’. ნაწარმოების გაცნობამდე მასწავლებელმა განუმარტა მოსწავლეებს რა არის ჰუმანიზმი , თანაგრძნობა ადამიანებს შორის . შემდეგ მოსწავლეებმა მოიყვანეს მაგალითები თავიანთი ცხოვრებიდან ( მოხუცების , მშობლების , თანატოლების ) მიმართ გაწეული დახმარების შესახებ.
ტექსტის წაკითხვის შემდეგ მოსწავლეები მსჯელობენ გმირების ჰუმანურ საქციელზე , გამოყოფენ დაჩაგრულთა მიმართ თანაგრძნობას და უარყოფენ ადამიანთა უგულობას და პატივმოყვარეობას. მოსწავლეებმა აბსტრაქციით შექმნეს ესკიზები ,,ერთგულება და თანაგრძნობა " და ,,ორგულობა და პატივმოყვარეობა ".
თავისუფალი გაკვეთილის ფარგლებში მოსწავლეებმა წაიკითხეს რევაზ ინანიშვილის მოთხრობა- ,,ია". მოთხრობის წაკითხვის შემდეგ მოსწავლეებმა დაახასიათეს მოთხრობის მთავარი გმირები, ხაზი გაუსვეს იმ მნიშველოვან ადამიანურ თვისებებს ,რომელსაც დადებითი ზეგავლენის მოხდენა შეუძლია . მოსწავლეებმა ასევე გაიხსენეს თავიანთი ცხოვრებიდან ისტორიები ,რომელიც მიესადაგებოდა მოთხრობის მთავარი გმირის ,,ია"-ს საქციელს . გაკვეთილის ბოლოს მოსწავლეებმა გადაწყვიტეს გაეგრძელებინათ და დაესრულებინათ მოთხრობა თავიანთი წარმოდგენით . გამოიკვეთა რამოდენიმე მნიშველოვანი მოთხრობა ,რომელთაც მოწონება დაიმსახურეს . მოსწავლეებმა ასევე გამოთქვეს სურვილი შეექმნათ მოთხრობის მთავარი გმირების პორტრეტები. იხილეთ ვიდეო
თავისუფალი გაკვეთილის ფარგლებში ჩვენ სკოლაში მოვაწყვეთ აქცია-ღონისძიება სახელწოდებით ------ ,, რას კითულობ შენ " , რომლის მიზანიც მოსწავლეებს შორის წაკითხული წიგნის შინაარსის ერთმანეთისთვის გაცნობა და შეთავაზება იყო .
მოსწავლეები ერთმანეთს უზიარებდნენ აზრს წაკითხული წიგნის შესახებ და ურჩევდნენ თავიანთ თანატოლებს რომ მათაც წაეკითხათ , შესაბამისად მოხდა წიგნების გაცვლა-გამოცვლა. აღნიშნულმა აქციამ მოსწავლეების დიდი ინტერესი გამოიწვია და გაჩნდა იდეაც ,რომ სკოლაში მოძრავი ბიბლიოთეკა შექმნილიყო ,რომლის დროსაც სკოლის ფოიეში სპეციალურად გამოყოფილ ადგილზე მოსწავლეებს მიაქვთ თავიანთი წიგნები ,მათ ეცნობიან დანარჩენი მოსწავლეები და ასე ხდება მოსწავლეების მიერ სხვადასხვა ნაწარმოებების გაცნობა. იხილეთ ვიდეო
წიგნის გარშემო სასაუბროდ მოსწავლეები შეიკრიბნენ ბიბლიოთეკაში, მოსწავლეები ინტერესით ჩაერთვნენ სათაურების მიხედვით თემების განხილვაში, განხილვა დისკუსიის სახით წარიმართა, მოსწავლეებმა გაიხსენეს სხვადასხვა შემთხვევები პირადი და სხვისი გამოცდილებიდან, ასევე განიხილეს ის დამოკიდებულებები, რომლების მათ ერთმანეთის მიმართ აქვთ კლასში და კლასისი გარეთ, არის თუა არა ეს დამიკიდებულებები პატივისცემასა და სიყვარულზე დაფუძნებული.
მოსწავლეები ერთხმად შეთანხმდენე, რომ მიუხედავად იმისა, ინტერნეტს ფართო მოხმარება აქვთ მათ თანატოლებში წიგნიდან მიღებული ინფორმაცია უფრო ღირებული და სასარგებლოა იმ თვისებებისა და უნარების განსავითარებლად, რომლების ხელს შეუწყობს მათ კარგ ადამიანებად ჩამოყალიბებას და თვალსაწიერის გაფართოებას.იხილეთ ვიდეო
