სსიპ - სიღნაღის მუნიციპალიტეტის ზემო ბოდბის №1 საჯარო სკოლა მოსწავლეები შეისწავლიან თავიანთი სოფლის - ზემო ბოდბის ისტორიას, მოიძიებენ მნიშვნელოვან და საინტერესო ინფორმაციას. ექნებათ შესაძლებლობა აიმაღლონ ცოდნა თავისი სოფლის ისტორიის შესახებ, აღმოაჩინონ განსხვავებები ძველი სოფლისა და თანამედროვე სოფლის ცხოვრებაში. დაგეგმონ და მიიღონ მონაწილეობა ლაშქრობებში.
მოსწავლეებმა ,,თავისუფალი გაკვეთილების" ფარგლებში შემაჯამებელ გაკვეთილზე მოახდინეს შესწავლილი და ნანახი მასალის თავმოყრა. აღნიშნეს, რომ ახლა უკეთ იცნობენ თავისი სოფლის მდიდარ ისტორიას, მის წარსულს და თანამედროვე ტრადიციებს. მსჯელობით და ერთმანეთთან თანამშრომლობით მასწავლებელთან ერთან მოახდინეს ,, მოგზაურთა კლუბის" მიერ ნანახის შესწავლილი მასალის შეჯამება
მოსწავლეებში დიდი ინტერესი გამოიწვია სოფლის ტრადიციების შესწავლამ. მათ მოისმინეს წინდის ქსოვის ტექნოლოგიის შესახებ; თვითონაც სცედეს მოქსოვა, თუმცა გაუჭირდათ. შეისწავლეს როგორ აკეთებდნენ კარაქს. და თვითონაც შედღვიბეს სადღვებელით. იყვნენ მათთვისკარგად ნაცნობ ,,თათარაობაზე", ამოავლეს კახური ჩურჩხელები.
სოფელში დღეისათვის ფუნქციონირებს ორი შეზღუდული პასუხისმგებლობის საწარმო. მოსწავლეებმა მასწავლებელთან ერთად მოინახულეს პურის საცხობი, სადაც მეწარმეებისგან კიდევ ერთხელ მოისმინეს პურის ცხობის ტექნოლოგია, მერე კი ვინც შეძლო საკუთარი ხელით ჩააკრა ,,დედას პური". გამომცხვარი პურები მოხადეს საკუთარი ხელით და დააგემოვნეს. იმავე დღეს ესტუმრენ ხინკლის საწარმოს, სადაც მოისმინეს ხინკლის მომზადების ტექნოლოგია, მერე კი საკუთარი ხელით მოახვიეს ხინკლები. შემდეგ გაკვეთილებზე მოსწავლეები გაეცნობიაბნ სოფლის სხვა ტრადიციებს.
ჩვენი სოფელი გამოირჩევა მდიდარი ისტორიული წარსულით. თავისუფალი გაკვეთილების ფარგლევში მოსწავლეებმა მოინახულეს სოფელში არსებული ყველა ისტორიული ძეგლი, მის შესახებ მოიძიეს ინფორმაცია, გადაიღეს სურათები, დაამუშავეს მასალა, დაახარისხეს და შეუდგნენ ალბომის გაკეთებას. მოსწავლეებმა ალბომს სახელიც შეურჩიეს: ,,ტაძრებში გაცოცხლებული სოფელი" . მოსწავლეთა სურვილით ალბომი საჩუქრად გადაეცა სკოლის ბიბლიოთეკას. მათ ასევე გამოუშვეს კედლის გაზეთიც.
მოგზაურთა კლუბის წევრები გაიყვნენ ორ ჯგუფად და აირჩიესკაპიტნები, რომლებიც ჯგუფის აზრსა და ინტერესებს გამოხატავდნენ. მათ ევალებოდათ უკვე ნაცნობი მასალიდან, რომელის სოფლის წარსულს ეხებოდა მოეფიქრებინათ კითხვები მოწინააღმდეგ ე ჯგუფისთვის. ფასდებოდა არამხოლოდ კითხვაზე პასუხი, არამედ ისიც, თუ თვითონ როგორ უპასუხებდნენ დასმულ კითხვას. შეჯიბრმა თვალნათლივ დაგვანახა, რომ მოსწავლეები სამაოდ კარგად იცნობენ სოფლის წარსულს. შეჯიბრი საინტერესოდ წარიმართა. ორივე ჯგუფის ცოდნა, ჩართულობა და ინტერესი, სცოდნოდათ სოფლის წარსული შეფასდა დადებითად.
მოგზაურთა კლუბის წევრებმა ვაზის ნასხლავიდან გადაწყვიტეს ჯვარის დამზადება. ბავშვები აქტიურობდნენ: ბიჭებმა ვაზის ნასხლავისგან ჯვარი გააკეთეს, ხოლო გოგნებმა დაამზადეს თმის ნაწნავის იმიტაცია, რომელიც ჯვარს შემოახვიეს ისე, როგორც წმინდა ნინომ შეკრა ვაზის ჯვარი. მოსწავლეებმა ამავე მეცადინეობაზე გააკეთს ჩანახატები და თავიანთი ნააზრევი გაუზიარეს ერთმანეთს.
მოსწავლეებმა მოაწყვეს ლაშქრობა სამების ეკლესიის ნანგრევებზე , რომელიც მდებარეობს სოფლის განაპირას. ზემო ბოდბის სამების ეკლესია საბჭოთა პეტოიდში დაუნგრევიათ; ნანგრევების გატანის შემდეგ, მოსახლეობას სამების ნანგრევების ქვები შეუგროვებია ერთ ადგილზე, სადაც დღესაც ლოცულობენ.
ბავშვებს ტერიტორია დანაგვიანებული დაუხვდათ.მათ დაასუფთავეს სამების ნანგრევები, ასევე მიმდებარე ტერიტორიაც გაასუფთავეს მაყვლისგან.
მოსწავლეებმა ინტერნეტის და სოფლის მაცხოვრებლების გამოკითხვის საშუალებით მოძიებული ინფორმაცია ერთად შეაგროვეს და ჩაატარეს პრეზენტაცია თემაზე - ,,ბოდბის ღვთისმშობლის შობის მამათა მონასტრი". პრეზენტაციაზე ორი ჯგუფი მუშაობდა: პირველმა ჯგუფმა მასალა მოიძია ინტერნეტის საშუალებით, ხოლო მეორემ სოფლის მოსახლეობასთან გასაუბრებით. ჯგუფებმა ერთმანეთს გააცნეს მოძიებული მასალა, შეგროვილი ლეგენდები; პრეზენტაციამ საინტერესოდ ჩაიარა, რის შემდეგაც გაიმართა დისკუსია.
ზემო ბოდბის №1 საჯარო სკოლის VII-VIII კლასის მოსწავლეებმა მოაწყვეს ლაშქრობა საგინაანთ უბანში, რომელიც მოქმედი დასახლებული ცენტრი იყო მეოცე საუკუნის 60-იან წლებამდე სტიქიურმა მოვლენებმა განაპირობა მისი გაუკაცრიელება.ამიტომ ხალხი სხვა ადგილებში გადასახლდა. თქმულების მიხედვით რადგან სიღნაღში სომეხი ვაჭრები ჩამოასახლეს მათ ხვთის მსახურებისა და საეკლესიო რიტუალების აღსარება საგინაანის ეკლესიაში დაიწყეს, რომელიც წმიდა ნინოს მიძინების სახელობისა იყო. მეორე თქმულებით ამ ტაძარს ნასომხარის ეკლესიას უწოდებენ, რომელსაც ,, ნასვამ ხარს" უკავშირებენ. 2012 წელს მამათა მონასტერმა რესტავრაცია განიცადა და იგი მართლმადიდებელ ეკლესიას დაექვემდებარა. მოსწავლეებმა მიზნად დაისახეს გაერკვიათ მოსახლეობის გამოკითხვითა და ინტერნეტის საშუალებით რომელი თქმულება უფრო გამართლებული იყო ისტორიულად. ბავშვებმა აღნიშნეს რომ სოფლის ხალხის მეხსიერებაში საგინაანთ უბნის ეკლესიას დღესაც ნასომხარის ეკლესიას უწოდებენ და ეკლესიის სახელი სომეხი ვაჭრების ჩამოსახლებას უკავშირდება.
ზემო ბოდბის #1 საჯარო სკოლის მეშვიდე და მერევა კლასის მოსწავლეებმა თავისუფალი გაკვეთილების ფარგლებში მოაწყვეს ლაშქრობა ყოვლადწმინდა ღვთისმშობლის შობის ტაძარში. ტაძარი წლების მანძილზე დანგრეული იყო; 10-15 წლის უკან ბარნაბიშვილების გვარის წარმომადგენელმა ნიშის სახით აღადგინა, ხოლო გასულ წელს აიგო ტაძარი. ამ ტაძარს უკავშირდება ,,ბარნაბაანთ ქალის" ლეგენდა, რომელიც მოსწავლეებმა მოიძიეს სოფელში ხანდაზმულ მოსახლეობასთან შეხვედრის დროს. ტაძარი მდებარეობს სოფლის განაპირას, იქ, სადაც ამჟამად საქონლის საძოვრებია, ამის გამო ტაძრის მიმდებარე ტერიტორია დასასუფთავებელია,; ბავშვებმა დაგეგმეს სკოლის სხვა მოსწავლეებთან ერთად მოაწყონ ერთობლივი ღონისძიება და დაასუფთაონ მიმდებარე ტერიტორია; აქ დღემდე მიმდინარეობს საკლავის შეწირვის რიტუალი, რაც თითქმის სოფლის მასხოვრებლებისთვის ტრადიციადაა ქცეული.
ზემო ბოდბის ცენტრში მდებარეობს 12 მოციქულის სახელობის ტაძარი, ბოდბის სვეტიცხოველი. დღეს აქ მიმდინარეობს სარესტავრაციო სამუშაოები. ტაძარი მეექვსე საუკუნის ძეგლია, თუმცა მეცნიერთა აზრით, კვლევების შედეგად შეიძლება უფრო ადრეული ხანის აღმოჩნდეს. ტაძრის ისტორიის შესახებ მოსწავლეები მოსახლეობაში შეაგროვებენ და ინტერნეტით მოიძიებენ ინფორმაციას.
მოსწავლეებმა ინტერნეტით მოიძიეს ინფორმაცია სამონასტრო ნაგებობების შესახებ (ტაძარი, სამრეკლო, გალავანი) და მასწავლებლის დახმარებით შეუდგნენ პრეზენტაციისათვის მზადებას.
მოსწავლეები გაეცნენ ისტორიულ დოკუმენტებს, სადაც მოთხრობილია იმ უცხოელების შესახებ, ვინც თავისი დაუღალავი მოღვაწეობით დიდი წვლილი შეიტანა და მოამზადა ნიადაგი აქ დედათა მონასტერის გახსნითვის.
მოსწავლეებმა მოიძიეს ინფორმაცია ბოდბელი ეპისკოპოსების შესახებ. გაეცნენ სხვადასხვა ისტორიულ წყაროებს . გაეცნენ მეცამეტე საუკუნის დოკუმენტს ,,განგება დარბაზობისა".
1 ივნისს საქართველოში შემობრძანდა წმინდა ნინო, ქართველთა განმანათლებელი. ნინოობის დღესასწაულთან დაკავშირებით მოვაწყეთ ექსკურსია ბოდბის მონასტერში და ლაშქრობა წმინდა ნინოს წყაროზე. მოსწავლეებმა ნახეს წმინდა გოირგის სახელობის ტაძარი, სადაც წმინდანია დაკრძალული; ახლადაშენებული წმინდა ნინოს სახელობის ტაძარი და ღვთისმშობლის სახელობის ტაძარი; ულამაზესი ბუნება და გარემო ხიბლავს უკლებლივ ყველას, სწორედ ამიტომაა რომ ნინოობის დღესასწაულს მორწმუნე ქრისტიანების გარდა ესწრებოდა უამრავი სხვა აღმსარებლობის ტურისტი. წმინდა ნინოს მონასტრიდან ბავშვები ფეხით ჩავიდნენ წმინდა ნინოს წყაროზე, რომელსაც სამკურნალო თვისებები აქვს.
მოსწავლეებმა ლაშქრობის დროს შეაგროვეს მასალა. წარმოადგინეს გადაღებული ფოტოები წიწოვანი და ფართოფოთლოვანი ჯიშის ხე მცენარეების. ხოლო ინტერნეტის საშუალებით მოიძიეს ინფორმაცია „დაცული ტყის“ შესახებ. გაეცნენ მის სპეციფიკურ ჰავას, გააერთიანეს ინდივიდუალურად მოძიებული ინფორმაცია და პრეზენტაცია სასიამოვნოდ და საინტერესოდ წარმართეს.
მოსწავლეებმა მოაწყეს ლაშქრობა ,,დაცულ ტყეში", რომელიც სოფლის განაპირას მდებარეობს გაეცნენ ,,დაცულტყის" ფლორასა და ფაუნას. მოისმინეს ლეგენდა მუხის ტყის შესახებ, რომელიც პაატა ბაღაშვილის სახელს უკავშირდება.
ლაშქრობამ საინტერესოდ და ხალისიანად ჩაიარა.
VII-VIIIკლასის მოსწავლეებმა ინტერნეტის საშუალებით მოიძიეს მასალა, რომ ზემო ბოდბე სიღნაღის მუნიციპალიტეტში, გომბორის ქედის დაბოლოებაზეა; რომელიც ზღვის დონიდან 900მ მდებარეობს. სიღნაღიდან 10 კმ-ითაა დაშორებული, იგი ექვემდებარება ბოდბის ეპარქიას. ინფორმაცია გაამთლიანეს და პრეზენტაციამ საინტერესოდ ჩაიარა.
ზემო ბოდბის #1 საკარო სკოლის მე-7, მე-8 კლასის მოსწავლეებმა შეძლეს ინფორმაციის მოძიება სოფელში საინტერესო მასალა შეაგროვეს და მოახდინეს წინასწარ მოძიებული ინფორმაციის საფუძველზე პრეზენტაცია - „ჩემი სოფელი“. ერთმანეთს გააცნეს მოძიებული ლეგენდები: ბარნაბაანთ ქალი, ლიანას ხევი - „ბრიმა კლდე“, გვარის დაბადება. პრეზენტაციამ საინტერესოდ ჩაიარა, საყურადღებო იყო მოსწავლეთა აზროვნების პროცესი, ისინი ავითარებენ საკუთარ აზრს. ინფორმაციას, რომელიც მოიძიეს სოფელში..
VII-VIII კლასის მოსწავლეებმა გამოთქვეს მზაობა ერთმანეთის მიმართ მხარდასაჭერად, კიდევ ერთხელ გაეცნენ თუ რას ითვალისწინებს პროექტი. განიხილეს სამოქმედო გეგმა. დასახეს ამოცანები. მიზნად დაისახეს ჩვენი სოფლის ზემო ბოდბის ისტორიის მოძიება-შესწავლა. მოსწავლეები აღმოაჩენენ განსხვავებებს ძველი სოფლის და თანამედროვე სოფლის ცხოვრების შესახებ. გაეცნობიან ეკლესია-მონასტრების კულტურას. თავისუფალი გაკვეთილების დროს ეფექტურად გამოიყენებენ.
