სსიპ - წყალტუბოს მუნიციპალიტეტის სოფელ მაღლაკის №1 საჯარო სკოლა ,,თავისუფალი გაკვეთილები"-ს პროექტი - „კინო სკოლაში“ მიზნად ისახავს, თანამედროვე ახალგაზრდებში კინოხელოვნების პოპულარიზაციას და კინოს სფეროში ცნობიერების ამაღლებას. ამის შედეგად, მოსწავლეებს განუვითარდებათ ანალიტიკური აზროვნებისა და ესთეტიკური აღქმის უნარები.
პირველი ჩვენება გაიმართა 3 აპრილს. ნაჩვენები იქნა რეჟისორ ვიტორიო დესიკას ფილმი - „ველოსიპედების გამატაცებლები". ჟანრი: დეტექტივი, დრამა. ჩვენება გამართა კინო სპეციალისტმა გიორგი ხასაიამ, რომელსაც ესწრებოდა 25 მოსწავლე. ფილმის ჩვენების შემდეგ გაიმართა დისკუსია. გამოიკვეთა მთავარი პრობლემა. მოზარდებმა იმსჯელეს პრობლემის გადაჭრის გზებზე. ბოლოს გააკეთეს დასკვნა: ქურდობა არ არის გაჭირვებიდან გამოსავალი.
ფილმი მოგვითხრობს 90-იან წლებზე. მისი მთავარი გმირები 13-14 წლის გოგონები არიან. ამ პერიოდში მეტად აქტუალური იყო ქუჩური ცხოვრება. ფილმის ჩვენების მიზანი იყო, მოსწავლეები დაფიქრებულიყვნენ ოჯახის ნაადრევად შექმნის უარყოფით შედეგებზე. ასევე, მათ გამომწვევ მიზეზებზე.
დისკუსიაზე მოსწავლეებმა იმსჯელეს ძალადობის იმ ფორმებზე, რომლებიც ხშირად ხორციელდება, განსაკუთრებით, გოგონების მიმართ. მოსწავლეებმა გამოთქვეს მოსაზრებები პრობლემის გადაჭრის სავარაუდო გზებზე. თავადაც დასახეს ღონისძიებები, პრევენციის მიზნით.
კინოჩვენების მიზანი იყო, მოსწავლეებს ენახათ, თუ როგორ შეიძლება, უმძიმესი სოციალური ფონის მიუხედავად, ადამიანმა არ დაკარგოს ბრძოლისა და სხვა ადამიანებზე ზრუნვის უნარი. ჩვენების შემდეგ გამართულ დისკუსიაზე , მოსწავლეებმა იმსჯელეს დენიელ ბლეიკის პერსონაჟზე, მის თვისებაზე - დახმარებოდა გაჭირვებაში მყოფ ადამიანებს, მიუხედავად პირადი განსაცდელისა. ასევე, ყურადება გამახვილდა საზოგადოებისა და პიროვნების ურთიერთვალდებულებებზე.
მოსწავლეებზე წარუშლელი შთაბეჭდილება მოახდინა ზაზა ურუშაძის ფილმმა - ,,მანდარინები", რომელიც ასახავს 1992-93- იანი წლების ქართულ-რუსულ-აფხაზურ კონფლიქტს. კინოჩვენებით ბავშვები ძალიან აღფრთოვანებულნი დარჩნენ.
ფილმის დასრულების შემდეგ გაიმართა დისკუსია. ახალგაზრდებმა იმსჯელეს მთავარი გმირების - ნიკასა და ახმედის შესახებ. გამოკვეთეს პრობლემა - როგორ შეიძლება მტრობა მეგობრობაში გადაიზარდოს.
კინოჩვენების მიზანი იყო, მოსწავლეებისთვის ორი მოკლემეტრაჟიანი ფილმის ჩვენება, რომელშიც ასახულია დედაქალაქის, პროვინციული ქალაქისა და საქართველოს სხვადასხვა კუთხეებში მცხოვრები ადამიანების ყოველდღიური ცხოვრება. მოსწავლეებმა დაინახეს მსგავსება და განსხვავება, დიდ და პატარა ქალაქებში, ადამიანების ყოველდღიურ ცხოვრებას შორის. ფილმის ბოლოს წარიმართა დისკუსია, რომელზეც მოსწავლეებმა საკმაოდ საინტერესო აზრები დააფიქსირეს იმის შესახებ, რჩება თუ არა ადამიანს ვალდებულება საკუთარი ქალაქის მიმართ მაშინ, როდესაც მისი დატოვება უწევს, ეკონომიური პირობებით ან განათლების მიღების მიზნით.
ფილმი - ,,ოქროს ციებ-ცხელება" მრავალჟანრიანი ნაწარმოებია, რომელიც გადაღებულია რეჟისორ - ჩარლი ჩაპლინის მიერ. ჩვენების მიზანი იყო, მოსწავლეებს ენახათ ჩარლი ჩაპლინის შედევრი და ეპოქის მნიშვნელოვანი მოვლენების ფონზე, უკეთ აღექვათ ერთი ადამიანის ცხოვრება და ბრძოლა.
გამართულ დისკუსიაზე, მოსწავლეებმა განიხილეს ფილმის ცალკეული ეპიზოდების ტრაგი-კომიკურობა. აღმოაჩინეს განსხვავება ხმოვანი და მუნჯი კინოს გამოხატვის ფორმებს შორის.
ფილმი - ,,12 განრისხებული მამაკაცი"-ს მიზანი იყო, მოსწავლეებს თავად წარმოედგინათ თავი ნაფიც მსაჯულებად და ჰქონოდათ მოქალაქეობრივი პოზიცია, მკვლელობაში ბრალდებული არასრულწლოვანი ბიჭის მიმართ. ასევე, შესულიყვნენ პოლემიკაში ფილმის პერსონაჟ 12 ნაფიც მსჯულთან ერთად.
ჩვენების შემდეგ გამართულ დისკუსიაში წარმოიშვა აზრთა სხვადასხვაობა. უმრავლესობისთვის მისაღები იყო იმ ნაფიცი მსაჯულის არგუმენტები, რომლებიც ბიჭის უდანაშაულობას ამტკიცებს. ნაწილს კი გაუჭირდა მამის მკვლელობაში ბიჭის უდანაშაულობის დამტკიცება.
ფილმმა დადებითი გავლენა იქონია ახალგაზრდებზე. მსჯელობისას გამოიკვეთა, რომ მოზარდებში თანდათან უმჯობესდება დამოუკიდებელი, საღი აზროვნებისა და მსჯელობის უნარების განვითარება.
გაკვეთილზე განხორციელდა რეჟისორ ჯონ-ნ-სმიტის ფილმის ,,საშიში ფიქრები"-ს ჩვენება. ფილმი არის ძნელად აღსაზრდელ ბავშვებსა და ახალგაზრდა მასწავლებელზე. ამ ფილმის ჩვენები მიზანი იყო, მოსწავლეებისთვის მიგვეცა ფიქრისთვის მასალა, თუ როგორი ურთიერთობა შეიძლება არსებობდეს მასწავლებელსა და მოსწავლეებს შორის, რას უნდა ემყარებოდეს იგი. ცოდნის გადაცემის გარდა, საჭიროა თუ არა ნდობა და პატივისცემა?!
ფილმის ჩვენების შემდეგ გაიმართა დისკუსია. მოსწავლეები შეთანხმდნენ, რომ მასწავლებელსა და მოსწავლეებს შორის ნდობასა და პატივისცემაზე დამყარებულ ურთიერთობას, მეგობრობასაც კი, შეუძლია უკეთესი გახადოს სწავლის პროცესი.
ფილმი გადმოცემულია ამბავი მოსიარულე ცირკის შესახებ, სადაც მთავარი მოქმედი გმირები არიან: ,,ჯამპანო" და ,,ჯენსომინა". ფილმი არის დრამა, რომელიც გადაღებულია 1954 წელს. მოსწავლეებს ფილმი ძალიან მოეწონათ. მათ დაახასიათეს ფილმის პერსონაჟები, გამოკვეთეს მთავარი პრობლემა და გამართეს საინტერესო დისკუსია.
,,თავისუფალი გაკვეთილები"-ს ფარგლებში, მოსწავლეებმა ნახეს რეჟისორ რობერტო ბენინის ფილმი - ,,ცხოვრება მშვენიერია". იგი მოგვითხრობს ებრაელი ოჯახის ტრაგიკულ ისტორიას . ფილმში ასახულია მამაშვილური ურთიერთობა. მამა მაქსიმალურად ცდილობს შვილის დაცვას. ბანაკში განვითარებულ მოვლენებს შვილს აღაქმევინებს, როგორც თამაშს. ფილმის ბოლოს მამა თავს სწირავს ცოლისა და შვილის გადასარჩენად.
ფილმი ბავშვებს ძალიან მოეწონათ, სწორად აღიქვეს ფილმში განვითარებული მოვლენები. გამართეს საინტერესო დისკუსია.
