სსიპ - ქალაქ ბათუმის №9 საჯარო სკოლა თავისუფალი გაკვეთილების ფარგლებში 2017 წლიდან ჩვენი სკოლა ჩაერთო კოდინგის (კომპიუტერული პროგრამირების) კლუბების საპილოტე პროექტი საქართველოს სკოლებში. პროექტის ინიციატორები და ორგანიზატორები არიან საქართველოს განათლებისა და მეცნიერების სამინისტრო, განათლების მართვის საინფორმაციო სისტემა, მასწავლებელთა პროფესიული განვითარების ეროვნული ცენტრი, კომპანია MICROSOFT და საგანმანათლებლო ფონდი EDUCARE GEORGIA. პროგრამირების კლუბებში სასწავლო რესურსად გამოყენებული იქნება საგანმანათლებლო პლატფორმა CODE.ORG. მოსწავლეები შერჩეული იქნა VII - VIII კლასებიდან. სულ პროექტში ჩართულია 20 მოსწავლე (10 გოგონა და 10 ვაჟი). კომპიუტერული პროგრამირებით დაინტერესება მოდის ორივე მხრიდან, გოგონებიც და ვაჟებიც თანაბარ ცოდნასა და უნარებს ავლენენ გაკვეთილის აქტივობების მსვლელობის დროს. გაკვეთილები ტარდება სკოლის კომპიუტერულ ლაბორატორიაში, სადაც არის შესაბამისი რესურსები და შექმნილია ყველა პირობა იმისთვის, რომ მოსწავლეები მაქსიმალურად იყვნენ ჩართული საგაკვეთილო პროცესში.
გაკვეთილი დავიწყეთ წინა გაკვეთილების გახსენებით, მოსწავლეებმა ხალისით გაიხსენეს განვლილი მასალა და შექმნილი თამაშები. მოსწავლეებმა code.org -ზე თამაშების ლაბორატორიაში შექმნეს ინდივიდუალური თამაშეი. ამის შემდეგ ყველამ ერთად აირჩიეს თემაში, რომელის შექმნაზეც ყველა მოსწავლე ერთად იმუშავებდა, შემდეგ მოიფიქრეს სცენარი და დაწერეს თამაშის ალგორითმი, ბოლოს code.org -ზე შექმნეს ჯგუფის მიერ მოფიქრებული თამაში. რომელიც გაუზიარეს ერთმანეთს.
გაკვეთილი დავიწყეთ განვლილი მასალის გახსენებით. შემდეგ მოსწავლეებმა code.org-ზე შეასრულეს ამ გაკვეთილისთვის განკუთვნილი პრაქტიკული დავალებები. ამასთან მოსწავლეებმა კოდის სტუდიაში ინდივიდუალურად იმუშავეს აპლიკაციის შექმნაზე თამაშების ლაბორატორიაში. დღევანდელი გაკვეთილი სახალისო და საინტერესო აღმოჩნდა მოსწავლეებისთვოს.
გაკვეთილის დასაწყისში მოსწავლეებთან ერთად ვისაუბრეთ ინტერნეტში ინფორმაციის განთავსებაზე. მოსწავლეებმა გაეცნენ გაკვეთულში მოცემულ ახალ სიტყვას: ციფრული ნაკვალევი - ინფორმაცია ვინმეს შესახებ ინტერნეტში. ასევე განვიხილეთ სხვადფასხვა სახის ვებსაიტები (მწვანე, ყვითელი და წითელი). ვისაუბრეთ თუ რა ინფორმაცია აქვთ მათ განთავსებული ინტერნეტში, ეს ინფორმაცია ყველასთვის ხელმისაწვდომია თუ არა. გვქონდა დისკუსია რა ინფორმაცია შეიძლება განვათავსოთ ინტერნეტში და რა ინფორმაცია უნდა იყოს დაფარული, მისაღებია თუ არა რომ მათ შესახებ ინფორმაცია ყველამ იცოდეს. დისკუსიის შემდეგ მოსწავლეები დავყავი ჯგუფებად და დაურიგდათ დავალება სადაც საუბარი იყო თაგვის და სპილოს მიერ ინფორმაციის განთავსებაზე ინტერნეტში. გამოვიკვლიეთ ვინ უფრო დიდი ციფრული ნაკვალევი დატოვა ინტერნეტში - თაგვმა თუ სპილომ. საბოლოოდ მოსწავლეებმა გამოიტანეს დასკვნა რა ინფორმაცია უნდა განათავსონ ინტერნეტში და რა ინფორმაცია არა. ამის შემდეგ ინდივიდუალურად დაურიგდათ სამუშაო ფურცლები, სადაც დაშიფრული იყო სიტყვები, მათ უნდა ეპოვათ ეს სიტყვები და შემოეხაზათ, ასევე ამ სიტყვებიდან უნდა გამოეყოთ ის ინფორმაცია, რომლის განთავსებაც არ შეიძლება ინტერნეტ სივრცეში. ასევე უნდა ეპოვათ ცხოველი რომელმაც დატოვა ისეთი ციფრული ნაკვალევი, რომლის გამოც ყველაზე მეტი საფრთხე დაემუქრებოდა. ბოლოს მოსწავლეებმა code.org -ზე შეასრულეს გაკვეთილისთვის განკუთვნილი დავალება. დღევანდელი გაკვეთილი ძალიან საინტერესო და ამავდროულად სახალისო აღმოჩნდა მოსწავლეებისთვის.
გაკვეთილი დავიწყეთ განვლილი მასალის გახსენებით. მეჩვიდმეტე გაკვეთილი კურსში შემავალი ყველაზე თავისუფალი აქტივობაა. ამ გაკვეთილში მოსწავლეებმა ანიმირებული ისტორიის შესაქმნელად აქამდე ნასწავლი კოდირების უნარების გამოყენება შეძლეს და შექმნეს საკუთარი საბოლოო თამაში, სადაც მათთვის სასურველი პერსონაჟები მონაწილეობდბენ. შემდეგ თავიანთი თამაშის ბმული ელ.ფოსტის საშუალებით ერთმანეთ გაუზიარეს, ნახეს ერთმანეთის თამაშის კოდები. დღევანდელი გაკვეთილი საინტერესო და სახალისო აღმოჩნდა ნოსწავლეებისთვის, ისინი აქტიურად იყვნენ ჩართული საგაკვეთილო პროცესში.
გაკვეთილი დავიწყეთ წინა გაკვეთილის გახსენებით. შემდეგ მოსწავლეებმა code.org - ის პლატფორმაზე გააკეთეს საკუთარი ფლაპი თამაში, რომელშიც მოვლენის დამმუშავებლის საშუალებით მაუსზე დაწკაპუნებებსა და ობიექტის ურთიერთქმედებას ამოიცნობს. გაკვეთილის ფინალურ ეტაპზე მოსწავლეებმა დაამუშავეს და გააზიარეს საკუთარი თამაშები. დღევანდელი გაკვეთილი საინტერესო აღმოჩნდა მოსწავლეებისთვის.
მეთხუთმეტე გაკვეთილი დავიწყეთ წინა გაკვეთილის მიმოხილვით. შემდეგ გადავედი ახალი მასალის ახსნაზე, მოსწავლეებმა ისწავლეს ახალი სიტყვა ,,მოვლენა". მოვლენა რაიმეს გამომწვევი მოქმედებაა. მოვლენები შესანიშნავი გზაა წინასწარ დაწერილი ალგორითმისთვის სახესხვაობის დასამატებლად. ხანდახან როცა გვსურს, რომ ჩვენმა პროგრამამ ზუსტად მაშინ უპასუხოს მომხმარებელს როდესაც მას უნდა, სწორედ ეს არის მოვლენების დანიშნულება. მოსწავლეებმა შეასრულეს სახალისო დავალებები: "ღილაკებს" მიანიჭეს "მოვლენები", რომლებიც აცნობენ თუ რა უნდა გააკეთონ. შემდეგ ერთი მოსწავლე მიემაგრა ერთ "მოვლენას" და გამოხატა შესაბამისი რეაქცია. ამის შემდეგ მოსწავლეებს დაურიგდათ სამუშაო ფურცლები, სადაც დაუკავშირეს ერთმანეთს ნახატების და ღილაკების შესაფერისი კომბინაციები. ბოლოს მოსწავლეებმა code.org-ზე და შეასრულეს გაკვეთილისთვის განკუთვნილი დავალება. მოსწავლეებმა წარმატებით გაართვეს მიცემულ დავალებებს თავი, ყველა მოსწავლე აქტიურად იყო ჩართული საგაკვეთილო პროცესში.
დღევანდელი გაკვეთილი საინტერესო აღმოჩნდა მოსწავლეებისათვის. ამ გაკვთილში მოსწავლეებმა ისწავლეს კიდევ ერთი ახალ სიტყვა ორობითი, რაც ინფორმაციის მხოლოდ ორი პარამეტრით ჩაწერის გზაა. მოსწავლეებს ვესაუბრე ორობით სისტემაზე, ინფორმაციის საზომ ერთეულებზე. ასევე პრეზენტაციის სახით ვაჩვენე კომპიუტერის და მისი მოწყობილობების სურათები. შემდეგ დაურიგდათ სამუშაო ფურცლები, სადაც მოსწავლეებმა ინდივიდუალურად იმუშავეს. მათ ორობითი გაშიფვრის გასაღებში იპოვეს საკუთარი სახელის პირველი ასო, გააფერადეს სამაჯურზე წარმოდგენილი კვადრატები არჩეული ასოს გასწვრივ, შემდეგ გამოჭრეს სამაჯურები და დაიმაგრეს მაჯაზე. ამის შემდეგ გადავიდნენ სხვა აქტივობაზე, მოსწავლეებს დაურიგდათ სამუშაო ფურცლები, სადაც ორობითი კოდებით დაშიფრული იყო შეტყობინება, მათ ამოიცნეს რა ეწერა და დაწერეს სპეციალურად გამოყოფილ ადგილზე. ბოლოს მოსწავლეებმა code.org -ზე შეასრულეს გაკვეთილისთვის განკუთვნილი დავალება. ყველა მოსწავლე აქტიურად იყო საგაკვეთილო ჩართული პროცესში.
დღევანდელი გაკვეთილი დავიწყეთ წინა გაკვეთილის მიმოხილვით. შემდეგ ბავშვებმა შეასრულეს რამდენიმე აქტივობა (ბანქოს გამოყენებით), როგორც ჯგუფებში, ისე წყვილებში და ინდივიდუალურად. მოსწავლეებმა თვითონაც შეადგინეს პირობითი პრძანებების გამოყენების მაგალითები. მათ წარმატებით გაართვეს თავი ყველა მიცემულ დავალებას. ბოლოს შევიდნენ code.org-ზე და შეასრულეს პრაქტიკული დავალებები. ამ გაკვეთილში მოსწავლეებმა პირობითი ბრძანებების გამოყენება შეძლეს ფუტკართან. ფუტკარს დაეხმარნენ რომ თავი გაართვას იდუმალ იასამნისფერ ყვავილებს. მათ არ იციან ამ ყვავილებს ნექტარი აქვთ თუ არა, ამიტომ პირობითი ბრძანებების გამოყენება დასჭირდათ იმისთვის რომ ფუტკარს გაერჩია საიდან შეაგროვოს ნექტარი და მისი ამოღება უნექტარო ყვავილებიდან არ სცადოს.
ამ გაკვეთილმა გვიჩვენა, რომ ზოგჯერ პროგრამის წერის დროს ჩნდება პირობითი ბრძანებების საჭიროება. პირობითი ბრძანებები არის მოქმედება, რომელიც მხოლოდ გარკვეული პირობების დადგომისას სრულდება. თემის ასახსნელად გამოვიყენე აქტივობა, მოსწავლეები დავყავი ჯგუფებად, შემდეგ მათ დაურიგდათ დავალების ფურცლები სადაც მოცემული იყო პირობა და მოსწავლეებს უნდა მიენიჭებინათ ქულები მოცემული პირობის მიხედვით. მოსწავლეებმა წარმატებით გაართვეს მიცემულ დავალებას თავი. ბოლოს შევიდნენ code.org-ზე და შეასრულეს პრაქტიკული დავალება.
გაკვეთილი დავიწყეთ წინა გაკვეთილის მიმოხილვით. მოსწავლეებს დაუსვი კითხვები:
ბოლოს მოსწავლეებმა code.org-ზე შეასრულეს პრაქტიკული დავალებები, დაწერილ პროგრამებში იპოვეს შეცდომები და გაასწორეს.
გაკვეთილი დავიწყეთ წინა მასალის გახსენებით, თუ რა არის დებაგი (შეცდომების გასწორება), ვისაუბრეთ თუ როგორ ასწორებენ რაიმეს, რაც არ მუშაობს და ყოველთვის მიყვებიან თუ არა ნაბიჯების განსაზღვრულ თანმიმდევრობას. შემდეგ მოსწავლეებს დაურიგდათ ქაღალდის ფურცელზე ამობეჭდილი გამოსახულებები. თითოეულმა მოსწავლემ დაწერა ამ გამოსახულებების ერთი ან ორი პროგრამა, შემდეგ ერთმანეთში გაცვალეს თავიანთი ფურცლები და მოახდინეს ერთმანეთის კოდის დებაგი. შემდეგ მოსწავლეები შევიდნენ code.org-ზე და შეასრულეს პრაქტიკული დავალებები. ყველა მოსწავლე აქტიურად იყო ჩართული საგაკვეთილო პროცესში.
ეს გაკვეთილი ძალიან სახალისო და საინტერესო აღმოჩნდა მოსწავლეებისთვის. გაკვეთილი დავიწყეთ პირველი გაკვეთილის გახსენებით-„გრაფიკული პროგრამირება ქაღალდზე". შემდეგ გავეცანით კიდევ ერთ ახალ და მნიშვნელოვან სიტყვას „დებაგი", რაც ალგორითმში ან პროგრამაში ბაგების (შეცდომების) აღმოჩენას და აღმოფხვრას ნიშნავს. მოსწავლეებმა ინდივიდუალურად იმუშავეს დავალებაზე - გამოსახულებისთვის დაწერილ პროგრამაში რაც მათ დაურიგდათ აღმოაჩინეს შეცდომა და გაასწორეს ანუ მოახდინეს მისი „დებაგი". ამის შემდეგ მოეწყო პროგრამირების ესტაფეტა, მოსწავლეები დავყავი 3 ჯგუფად, სადაც მოსწავლეებს ქაღალდზე გრაფიკული პროგრამირების გამოსახულების მიხედვით ალგორითმის დასაწერად მოუწიათ სირბილი. მოსწავლეებს შეეძლოთ თითო ჯერზე მხოლოდ ერთი ინსტრუქციის დაწერა და თუ სადმე შეცდომას ნახავდნენ, ინსტრუქციებს შლიდნენ და ასწორებდნენ. ყველა მოსწავლე აქტიურად იყო ჩართული საგაკვეთილო პროცესში, ძალიან მოეწონათ პროგრამირების ესტაფეტა. ბოლოს შევიდნენ code.org-ზე და შესარულეს პრაქტიკული დავალება.
გაკვეთილი დაიწყო განვლილი მასალის მიმოხილვით. შემდეგ მოსწავლეები დავყავი ჯგუფებად, თითოეულ ჯგუფს დაურიგდათ ვარჯიშების ილეთების ამსახველი სურათები. მათი საშუალებით მოსწავლეებმა შექმნეს თავიანთი ვარჯიშები ციკლების გამოყენებით. შემდეგ code.org-ზე შეასრულეს გაკვეთილის შესაბამისი პრაქტიკული დავალებები. მათ შეძლეს მიცემული დავალებებისთვის ისეთი პროგრამის დაწერა, რომელიც ციკლში მოაქცევს ერთ ბრძანებას. განსაზღვრეს თუ როდის შეიძლება განმეორებადი აქტივობებისთვის ციკლის გამოყენება მიმდევრობითი და ციკლში მოქცეული ბრძანებების კომბინაციის გამოყენებას გადაადგილებისა და მოქმედებისთვის. გაკვეთილის ბოლოს youtube.com-ზე მოიძიეს და უყირეს ცეკვის ვიდეოებს, სადაც ცეკვის ილეთები მეორდება.
გაკვეთილი დავიწყეთ წინა გაკვეთილის გახსენებით. მხატვართან დაბრუნებით, მოსწავლეები სწავლობენ ინსტრუქციათა მარტივი მიმდევრობების ციკლებში მოქცევას და უფრო რთული გამოსახულებების შექმნას. დავასახელეთ მარტივი ფიგურები. ყურადღება გავამახვილეთ ერთნაირი გვერდებისა და კუთხეების მქონე ფიგურებზე. ყოველი ფიგურისთვის დავსვით კითხვა: როგორ აუხსნიდი ვინმეს, როგორ დახატოს ეს ფიგურა? როგორ დახატავდით მას ციკლის გამოყენებით? ამის შემდეგ მოსწავლეებს წყვილებში დაურიგდათ ქაღალდის ორი ფურცელი. ვუთხარი, რომ ერთ ფურცელზე დახატონ ფიგურა თანაბარი გვერდებითა და კუთხეებით. ხოლო, მეორე ფურცელზე ციკლების მეშვეობით დაწერონ ამ ფიგურის ასლის შესაქმნელი ინსტრუქციები. შემდეგ გაცვალონ ინსტრუქციის ფურცლები და სცადონ ფიგურის მხოლოდ მოცემული ინსტრუქციებით დახატვა. მოსწავლეებმა შეძლეს მხოლოდ ინსტრუქციის წაკითხვით გამოეცნოთ რა ფიგურა დაიხატებოდა. დღევანდელი გაკვეთილი საკმაოდ საინტერესო აღმოჩნდა მოსწავლეებისთვის. მათ გამოიყენეს წინა და დღევანდელ გაკვეთილზე მიღებული ცოდნა და code.org-ზე შეასრულეს მეშვიდე გაკვეთილისთვის განკუთვნილი შესაბამისი პრაქტიკული დავალებები.
გაკვეთილი დავიწყეთ წინა გაკვეთილის მიმოხილვით. მოსწავლეებმა გაიხსენეს რა არის ციკლი და რისთვის ვიყენებთ მას. ვნახეთ რამოდენიმე ვიდეო სადაც მოძრაობები წარმოდგენილია ციკლის სახით, მოსწავლეებმა ამოიცნეს ციკლები. შემდეგ მოსწავლეები დავყავი 4 ჯგუფად, თითოეულ ჯგუფს დაურიგდა ამობეჭდილი ფურცლები, სადაც ცეკვის ილეთები იყო გამოსახული. მათ უნდა ამოეცნოთ ის ილეთი სადაც იყო ციკლი, შემდეგ გამოეჭრათ და თანმიმდევრობით ცარიელ ფურცელზე დაეკრათ. ითოეულმა ჯგუფმა შექმნა ინდივიდუალური ცეკვა. ბოლოს მოსწავლეებმა code.org-ზე შეასრულეს საგაკვეთილო თემასთან დაკავშირებული პრაქტიკული დავალებები, სადაც უნდა გამოეყენებინათ ნასწავლი მასალა - ციკლები. ყველა მოსწავლე აქტიურად იყო ჩართული საგაკვეთილო პროცესში. დღევანდელი გაკვეთილი ძალიან საინტერესო და სახალისო აღმოჩნდა ბავშვებისთვის.
ციკლები განმეორებადი მოქმედებების აღსაწერად მოხერხებული გზაა. ამ გაკვეთილში მოსწავლეებმა მოქმედებების მიმდევრობის ციკლად გარდაქმნაში ივარჯიშეს. შეასრულეს ცეკვის ილეთები მოცემული ალგორითმის მიხედვით, რაც ძალიან სახალისო აღმოჩნდა მათთვის. ბავშვებმა ცეკვის ილეთების ამსახველი სურათები გამოიყენეს საკუთარი ცეკვის დასადგმელად. ცეკვის ილეთები გაიმეორეს ციკლის გამოყენებით. შემდეგ თავიანთი ნამუშევრები გაუზიარეს კლასს. ამის შემდეგ კომპიუტერთან შეასრულეს რამდენიმე დავალება ციკლების მინიმალური რაოდენობის გამოყენებით. გაკვეთილოის ბოლოს youtube.com-ზე ვუყურეთ ვიდეოს, სადაც ცეკვის ილეთები მოერდებოდა, ვიდეოს რამდენჯერმე ყურების შემდეგ, მოსწავლეებმა შეძლეს ცეკვაში ეპოვათ ციკლები. საერთო ჯამში გაკვეთილი ძალიან საინტერესო და სახალისო აღმოჩნდა მოსწავლეებისთვის, ყველა მოსწავლე აქტიურად იყო ჩართული საგაკვეთილო პროცესში.
მეოთხე გაკვეთილი დავიწყეთ წინა გაკვეთილის მიმოხილვით. ამის შემდეგ გადავედით ახალ მასალაზე, მოსწავლეებს დაურიგდათ ორ-ორი ფურცელი. ერთ ფურცელზე დახატეს მარტივი ფიგურები, მეორე ფურცელზე დაწერეს ინსტრუქციები, რომლის მიხედვით შეეძლოთ ფიგურის დახატვა. შემდეგ გაცვალეს ინსტრუქციების ფურცლები და სცადეს დაეხატათ შესაბამისი ნახატი.
მხატვრის დონეებში მოსწავლეები აღარ შეიზღუდებიან 90 გრადუსიანი კუთხეებით. ტრანსპორტირის ქონა დაეხმარა მათ სასურველი კუთხეების უკეთ წარმოსახვაში. შემდეგ მოსწავლეებმა code.org-ზე შეასრულეს პრაქტიკული დავალება. კერძოდ, მათ დაწერეს პროგრამა, რომელიც მხატვარს დაეხმარებოდა ხაზების გავლებაში. ისინი თანდათან ართულებდნენ ალგორითმს, რომლის საშუალებითაც ,,მხატვარი ასრულებდა ნახატს".
საგაკვეთილო პროცესი წარიმართა საინტერესოდ, მოსწავლეებმა ხალისით იმუშავეს ყველა აქტივობაზე და მიცემულ დავალებებს წარმატებით გაართვეს თავი.
გაკვეთილი წარიმართა საინტერესოდ. მოსწავლეებმა code.org-ზე შეასრულეს პრაქტიკული დავალება, კერძოდ მათ დაწერეს პროგრამა, რომელიც დაეხმარებოდა ფრინველს გოჭის აღმოჩენაში. ფრინველის გოჭამდე მისაყვანად საჭირო იყო მითითებების მკაცრად განსაზღვრული თანმიმდევრობით დალაგება, რათა პერსონაჟს ემოძრავა პირდაპირ, ან მოტრიალდნენ მარჯვნივ, ან მარცხნივ. თავსატეხის ამოხსნის დროს მათ უნდა გამოეყენებინათ ბლოკების მინიმალური რაოდენობა.
მოსწავლეები აქტიურად იყვნენ ჩართული საგაკვეთილო პროცესში, დიდი ინტერესითა და ხალისით აწყობდნენ თამაშებს. ყველა მოსწავლემ კარგად გაართვა თავი მიცემულ დავალებებს.
გაკვეთილს ესწრებოდა 20 მოსწავლე. გაკვეთილზე მოსწავლებმა განიხილეს ცხოვრებისეული ალგორითმები, დაასახელეს თუ რას აკეთებენ ყოველდღიურად, შემდეგ ეს ყოველივე თანმიმდევრულად დაალაგეს და მივიდნენ იმ ცნებამდე, რომ ყოველდღიური საქმიანობისათვის ალგორითმების შექმნა შესაძლებელია.
ასევე, შეასრულს პრაქტიკული სავარჯიშოები ალგორითმების სწორად ფორმირებასთან დაკავშირებით და ერთმანეთის მიერ შექმნილი ალგორითმებით გააკეთეს ფერდი ქაღალდებისგან თვითმფრინავები.
ყველა მოსწავლე იყო დაინტერესებული და ჩართული საგაკვეთილო პროცესში. მათ შესანიშნავად გაართვეს თავი მიცემულ დავალებებს. შედეგმა მოლოდინს გადააჭარბა...
პირველ გაკვეთილზე მოსწავლეებმა განიხილეს სიტყვები „ალგორითმი" და „პროგრამა", იმსჯელეს თითოეული სიტყვის მნიშვნელობაზე. ასევე შეასრულეს პრაქტიკული სავარჯიშოები, იმუშავეს როგორც ინდივიდუალურად, ისე წყვილებში. ყველა მოსწავლე აქტიურად იყო ჩართული საგაკვეთილო პროცესში, აღნიშნული გაკვეთილი მათთვის იყო საინტერესო და სახალისო.
