მოზაიკა არის სახვითი ხელოვნების ერთერთი უძველესი მიმართულება, რომელიც შეიქმნა უძველეს ეპოქაში. მოზაიკა არის კენჭებისაგან შექმნილი კომპოზიცია, რომელსაც ქმნიდნენ: შუამდინარეთში, ძველ რომში, საბერძნეთში, კრეტა-მიკენში, საქართველოში. ძირითადად იყენებენ სმალტის კუბურებს, რომელიც ზოგჯერ არის მოოქროვილი. მოზაიკამ ძალიან დიდი მნიშვნელობა შეიძინა ქრისტიანულ ეპოქაში. საინტერესოა ბიზანტიური მოზაიკა, რომელიც თავისი შთამბეჭდავი ვიზუალით დღემდე ყველას ანცვიფრებს. საქართველო ცნობილია გელათის მოზაიკით, რომელიც წარმოდგენილია მთავარი ტაძრის კონქაში. ცენტრალური ფიგურა არის ღვთისმშობელი, რომლის წიაღში არის ყრმა იესო და კომპოზიციას აგვირგვინებს მთავარანგელოზები მიქაელი და გაბრიელი.
პროექტის მიზანია მოსწავლეებს გააცნოს კულტურული მემკვიდრეობის რაობა, მისი არსი და მნიშვნელობა; კულტურული მემკვიდრეობისადმი და კერძოდ ხელოვნების ნიმუშებისადმი ინტერესი სხვადასხვა ეპოქებში და სიძველეების შეგროვების ტრადიციები მსოფლიოსა და საქართველოში; ქართული კულტურული მემკვიდრეობის და ხელოვნების ძეგლების მკვლევარი ქართველი და უცხოელი მეცნიერები და მათი ღვაწლი ეროვნული სიძველეების შეგროვებასა და შესწავლაში; ხელოვნების ძეგლები და მათი კვლევის თანამედროვე მდგომარეობა საქართველოში; კულტურული მემკვიდრეობის სახეები და სფეროები; ძეგლთა დაცვისა და მართვის პრინციპები და ხელოვნების ფასეულობათა მოვლა–პატრონობის საფეხურები; კულტურული მეკვიდრეობის ძეგლთა გამოყენება რეგიონში ტურიზმისა და სოციალურ–ეკონომიკური განვითარებისათვის. პროექტის მიზანია ასევე მოსწავლეებს გააცნოს საქართველოს კულტურული მემკვიდრეობის ძეგლები უძველესი დროიდან შუა საუკუნეების ჩათვლით: საერო, საკულტო და საფორტიფიკაციო არქიტექტურა, ლითონის პლასტიკა (ოქრომჭედლობა), გლიპტიკა, რელიეფური ქანდაკება, ფრესკული მხატვრობა, მოზაიკა და ა. შ. |
|