ჰარი პოტერის ძიებაში

მოზარდების წიგნიერების დონე მსოფლიო თანამედროვეობის ერთ ერთი უმნიშვნელოვანესი პრობლემაა. ამის ერთ ერთი გამომწვევი მიზეზი კომპიუტერის დიდი დოზით დამკვიდრებაა ჩვენს ყოველდღიურ ყოფაში, რამაც გარკვეულწილად გაანელა ინტერესი წიგნის მიმართ. კომპიუტერი და საძიები სისტემებით მოძიებული მასალა დღეს რა თქმა უნდა ერთ ერთი მნიშვნელოვაი კომპონენტია, მაგრამ ვფიქრობ კომპიუტერი უწიგნობით გაჩენილ სიცარიელეს ვერავითარ შემთვევაში ვერ ამოავსებს და საჭიროა მოსწავლეები კვლავ ეზიარონ კითხვით გამოწვეულ სიხარულს.
ჩვენი პროექტის მიზანია წიგნიერების განვითარებაზე ზრუნვა მოზრდილებში (13-14  წლის ასაკის მოსწავლეებში). პროექტის განსახორციელებლად ავირჩიეთ თავისუფალი დასწრება ე.წ. გაკვეთილებზე, რომელიც აღნიშნული აქტივობის განხორციელების დროს დაიგეგმება და განხორციელდება.
პროქტის მიზანი და მოსალოდნელი შედეგია მოსწავლეებს გამოუმუშავდეთ ცოდნა, უნარები და დამოკიდებულებები, რათა ეფექტურად გამოიყენონ ენა, როგორც სწავლის პროცესში, ასევე ზოგადად კომუნიკაციის დროს. აგრეთვე, მოსწავლეებს განუვითარდებათ  დებატების, ლოგიკური აზროვნების, არგუმენტირებული მსჯელობის და გუნდური მუშაობის უნარები.
ამ კონკრეტულ შემთხვევაში ჩვენ ავირჩიეთ ინგლისელი მწერლის ჯოან როულინგის გახმაურებული რომანი, პირველი წიგნი ჰარი პოტერის რომანების სერიაში: „ჰარი პოტერი და ფილოსოფიური ქვა“. რადგან ამ რომანში ჰარი არის დაახლოებით 11 წლის, ვფიქრობ იგი დააინტერესებს 13-14 წლის მოზარდებს.
პროექტის ფარგლებში დაგეგმილი აქტივობები პირობითად გაყოფილი გვაქვს 3 ნაწილად.
პირველ ნაწილში დაგეგმილი გვაქვს ნაწარმოების ჯგუფური წაკითხვა და განხილვა.( 2017 წლის თებერვალი- აპრილი)
მეორე ნაწილში ვნახავთ რეჟისორ კრის კოლუმბუსის ფილმს: „ჰარი პოტერი და ფილოსოფიური ქვა“.მოვაწყობთ ფილმის განხილვას, აგრეთვე  დისკუსიას: ფილმი თუ ნაწარმოები? ( აპრილი)
მესამე ნაწილში ჩვენი წარმოდგენით მოვახდენთ ნაწარმოების ზოგიერთი ფრაგმენტის სცენოგრაფიას, ასევე გარკვეული ნაწილების ინგლისურ ენაზე წარმოდგენას. ( შესაძლებლობის ფარგლებში) (მაისი)
რატომ მანდამაინც ჰარი პოტერი?
ვიცით რომ ჰარი პოტერის სერია შედგება 8 რომანისაგან. ჩვენ განვიხილავთ მხოლოდ პირველს. ვფიქრობ, ამის შემდეგ მოსწავლეებს გაუჩნდებათ მოტივაცია, რათა წაიკითხონ, გაარჩიონ ჰარი პოტერის დანარჩენი რომანები. 
1. მასწავლებლის მიერ ზოგადი მიმოხილვა პროექტის და ინგლისელი მწერლის ჯოან როულინგის გახმაურებული რომანის, პირველი წიგნის ჰარი პოტერის რომანების სერიაში: „ჰარი პოტერი და ფილოსოფიური ქვა“ ნაწარმოების შესახებ.
2. ნაწარმოების საჯარო წაკითხვა-დებატები-ილუსტრაციების შექმნა  ( 12 საათი. საჯარო კითხვაში მონაწილეობას მიიღებენ, როგორც მოსწავლეები, ისე მოწვეული სტუმრები)
3. რეჟისორ კრის კოლუმბუსის ფილმის: „ჰარი პოტერი და ფილოსოფიური ქვა“- ჩვენება ( 2 საათი)
4. დისკუსია: „წიგნი თუ ფილმი?
5. წერილები საყვარელ პერსონაჟებს...
6. მინი სპექტაკლების გათამაშება.( 2 საათი)

7. დასკვნითი ღონისძიება (ილუსტრაციების, ალბომების გამოფენა; შთაბეჭდილებების გამოხატვა;)