28 ნოემბერს თავისუფალი გაკვეთილის ფარგლებში ფათო აუდიტორიის წინაშე ჩატარდა ნაქარგების და მაკეტების გამოფენა. დამსწრე საზოგადოება აღფრთოვანებული დარჩა მოსწავლეების ნამუშევრებით.
სსიპ - ლანჩხუთის მუნიციპალიტეტის სოფელ აკეთის საჯარო სკოლა ჩვენი სკოლა ჩაერთო საქართველოს განათლებისა და მეცნიერების სამინისტროს მიერ ინიცირებულ პროექტში "თავისუფალი გაკვეთილები". სხვა აქტივობებთან ერთად მე-7, მე-8 კლასის მოსწავლეებმა გამოთქვეს სურვილი ჩართულ იყვნენ ხელოვნების მიმართულებითაც. ხელოვნება უდიდეს ზეგავლენას ახდენს ადამიანის სულიერი სამყაროს ჩამოყალიბებაზე, აღვივებს მასში მხატვრულ გემოვნებას, ავითარებს შემოქმედებით უნარებს. გოგონებმა მოიძიეს ინტერნეტში ქსოვილზე ლენტებით ქარგვის სლაიდ-შოუები, დააკვირდნენ მსვლელობას და გამოთქვეს სურვილი შექმნან მსგავსი ნაქარგები და შეძლონ საკუთარი შემოქმედებითი მიდგომის, ფანტაზიის გადატანა ქსოვილზე. ვაჟების სურვილია დაეუფლონ არქიტექტურული ძეგლების მაკეტების შექმნას. მათ ინტერესში შედის ახლომდებარე მაცხოვრის ეკლესიის მაკეტის შექმნა. ამით მოსწავლეები ეზიარებიან ქართული ხელოვნების კულტურას.
დაგეგმილი გვაქვს მოსწავლეების მიერ შექმნილი ნამუშევრების გამოფენა. ჩატარდება თავისუფალი გაკვეთილები ბუნებაში. მოეწყობა ექსკურსიები ახლომდებარე არქიტექტურული ძეგლების დათვალიერების მიზნით.
