სსიპ - გორის მუნიციპალიტეტის სოფელ ფხვენისის საჯარო სკოლა პროექტის ფარგლებში არჩეული იქნა რაქელ ჯარამილოს ნაწარმოები ,,საოცრება", რომელიც თანამედროვე მხატვრული ჟანრის ბესტსელერია. ეს არის წიგნი მეგობრობაზე, სიყვარულზე, ზრუნვაზე, სირთულეებზე, ოჯახზე, უსამართლობაზე, მაგრამ ყველაზე მეტად ეს არის წიგნი სიკეთეზე და მისი არჩევის აუცილებლობაზე.
პროექტის ფარგლებში მოსწავლეები წაიკითხავენ ნაწარმოებს, ჩაერთვებიან სხვადასხვა სახალისო აქტივობებში, რაც გაზრდის მათ მოტივაციას მაქსიმალურად წარმოაჩინონ საკუთარი შესაძლებლობები. განუვითარდებათ კრიტიკული აზროვნების, არგუმენტირებული მსჯელობის, წაკითხულის განხილვა-ანალიზის, გუნდური მუშაობის და სხვა უნარები.
22 ნოემბერს ჩავატარეთ დასკვნითი გაკვეთილი. შევაჯამეთ ,,მკითხველის კლუბის" მუშაობა. მოსწავლეებმა გამოთქვეს სურვილი, ყველა მეგობარს, თანატოლს, ახლობელს გააცნონ ეს ნაწარმოები, რომელიც საინტერეოა ყველა ასაკის ადამიანისთვის. გავმართეთ დისკუსია-რა გაიგეს, რა მოეწონათ და რა არა, რის შეცვლა სურთ ნაწარმოებში. გამოფინეს საკუთარი შემოქმედება, გამოხატეს შთაბეჭდილებები, მოახდინეს წიგნის რეკლამირება.
17 ნოემბერს ჩავატარეთ მეცხრამეტე თავისუფალი გაკვეთილი. მოსწავლეები აგრძელებენ ნაწარმოების კითხვას და გული სწყდებათ, რომ სრულდება ,,საოცრება," მართლაც საოცრება. მუშაობენ კედლის გაზეთზე, რომელშიც ისინი წერენ წერილებს, სადაც რეკლამას უკეთებენ პალაციოს ,,საოცრებას" და ყველა ასაკის ადამიანს სთხოვენ, რომ წაიკითხონ ,,საოცრება."
15 ნოემბერს ჩავატარეთ მეთვრამეტე გაკვეთილი, რომელიც ძალიან საინტერესო გამოდგა. მოსწავლეები აგრძელებენ კითხვას კომენტარებით და ინტონაციით. ამზადებენ ილუსტრაციებს, ალბომში შეაქვთ წერილები, დასამახსოვრებელი ფრაზები. მოსწავლეები მოუთმენლად ელიან, თუ რა მოხდება ავგუსტის ცხოვრებაში ახალი.
10 ნოემბერს ჩავატარეთ მეჩვიდმეტე გაკვეთილი. მოსწავლეები აგრძელებენ ნაწარმოების კითხვას ინტონაციებით, კომენტარებით, ბარატებით ,,მე მივხვდი..." ავსებენ ,,პერსონაჟის აღწერის ჩარჩოს". მოსწავლეებმა მოამზადეს პერსონაჯებთან გასაგზავნი წერილები, მოახდინეს ამ წერილების განხილვა. კითხვის დროს ავსებენ ბარათებს: ,,მე მივხვდი." უფრო მეტად უყვარდებათ ავგუსტი და განიცდიან მის ფიზიკურ მდგომარეობას.
08 ნოემბერს ჩავატარეთ მეთექვსმეტე გაკვეთილი. მოსწავლეები ინტონაციით, პაუზებით და კომენტარებით აგრძელებენ ნაწარმოების კითხვას. უკვირდებიან ავგუსტის წინაშე წამოჭრილ პრობლემებს, პარალელს ავლებენ მათ ირგვლივ არსებულ სინამდვილესთან. მსჯელობენ იმაზე, თუ როგორ მოიქცევიან ისინი მსგავს სიტუაციაში, როგორ დაეხმარებიან ავგუსტის მსგავს ბავშვებს. ქმნიან ილუსტრაციებს.
03 ნოემბერს ჩავატარეთ მეთხუთმეტე გაკვეთილი. ვაგრძელებთ ნაწარმოების კითხვას პაუზებით, ინტონაციით, კომენტარებით. ვახდენთ პრობლემის იდენტიფიცირებას, ვმართავთ დებატებს. მოსწავლეები უფრო მეტად განიცდიან ავგუსტის მდგომარეობას. პარალელურად ალბომში წერენ ფრაზებს, რომლებიც მოსწონთ და მისაღებია მათთვის.
01 ნოემბერს ჩავატარეთ მეთოთხმეტე გაკვეთილი. მოსწავლეები აგრძელებენ კითხვას. უფრო მეტად ახლოს იცნობენ ავგუსტს და მის მეგობრებს. განიცდიან ავგუსტის წარმატებას თუ წარუმატებლობას. ქმნიან სხვადასხვა ილუსტრაციას წაკითხულისა და საკუთარი სურვილების მიხედვით.
25 ოქტომბერს ჩავატარეთ მეცამეტე გაკვეთილი. მოსწავლეები მოუთმენლად ელოდნენ საყვარელ გმირებთან შეხვედრას. აგრძელებენ ნაწარმოების კითხვას, მსჯელობენ, უზიარებენ ერთმანეთს აზრებს, აფასებენ გმირების მოქმედებებს. მოსწავლეები მსჯელობენ , როგორ მოიქცევიან თვითონ მსგავს სიტუაციაში.
18 ოქტომბერს ჩავატარეთ მეთორმეტე თავისუფალი გაკვეთილი, რომელიც შემდეგი გეგმით წარიმართა: 1. ნაწარმოების კითხვა ინტონაციებით, კომენტარებით, პაუზებით; 2. პერსონაჟის რუკის შექმნა; 3. T სქემაში დადებითი და უარყოფითი გმირების შეფასება.
11 ოქტომბერს ჩავატარეთ მეთერთმეტე გაკვეთილი. მოსწავლეები აგრძელებენ კითხვას, იწერენ საინტერესო წინადადებებს, მსჯელობენ, კამათობენ ამ წინადადებების ირგვლივ. არჩეული ყავთ გმირი, რომელიც მოსწონთ და წერილებს სწერენ მას. მართავენ დებატებს სხვადასხვა საკითხებზე, რომლებიც კითხვის დროს წამოიჭრება ხოლმე.
04 ოქტომბერს ჩავატარეთ მეათე თავისუფალი გაკვეთილი. მოსწავლეები მოუთმენლად ელოდნენ ახალი გაკვეთილის დაწყებას და ნაწარმოების ტექსტის წაკითხვას. კითხვისას გზადაგზა იწერენ მათთვის საინტერესო წინადადებებს, აანალიზებენ და ერთმანეთს უზიარებენ აზრებს, მსჯელობენ. აკვირდებიან გმირებს. მათი საქციელისა და მეტყველების მიხედვით ახასიათებენ მათ. ქმნიან ილუსტრაციებს.
27 სექტემბერს ჩავატარეთ მეცხრე გაკვეთილი. მოსწავლეები დიდი ინტერესით აგრძელებენ კითხვას, აანალიზებენ ნაწარმოების შინაარსს, მუშაობენ ინდივიდუალურად და ჯგუფურად, გამოხატავენ და იცავენ საკუთარ მოსაზრებებს. ბოლოს მოამზადეს ილუსტრაციები.
20 სექტემბერს კვლავ განვაახლეთ მკითხველთა კლუბის მუშაობა. მოსწავლეები დიდი ინტერესით აგრძელებენ კითხვას. გმირების უკვე ნაცნობ თვისებებს ამატებენ ახალს, ინიშნავენ ფრაზებს და მსჯელობენ მათ შესახებ. ადარებენ პერსონაჟებს ერთმანეთს და გამოაქვთ დასკვნები.
14 ივნისს ჩავატარეთ მეშვიდე გაკვეთილი. მოსწავლეები აგრძელებენ ნაწარმოების კითხვას. ინიშნავენ მნიშვნელოვან ფრაზებს, მსჯელობენ მათ ირგვლივ. წაკითხულის მიხედვით T სქემაში შეაქვთ დადებითი და უარყოფითი გმირების შეფასება. ახდენენ ნაწარმოებში წამოჭრილი პრობლემების იდენტიფიცირებას და მართავენ დებატებს.
9 ივნისს ჩავატარეთ მეექვსე გაკვეთილი. მოსწავლეები აგრძელებენ ნაწარმოების კითხვას პაუზებით, ინტონაციებით და კომენტარებით. გამოთქვამენ მოსაზრებებს ნაწარმოების დასასრულის შესახებ და არჩევენ საუკეთესო დასასრულს. თანდათანობით ავსებენ პერსონაჟების დამახასიათებელი თვისებების T სქემას.
7 ივნისს მეხუთე გაკვეთილი ჩავატარეთ. მოსწავლეები აგრძელებენ მართლაც საოცარი წიგნის კითხვას. გამოკვეთენ პერსონაჟების სხვადასხვა თვისებებს მათი მოქმედებების მიხედვით. ქმნიან ბარათებს ,,მე მივხვდი"... მართავენ დებატებს ნაწარმოებში წარმოქმნილ პრობლემებზე. უჩნდებათ უფრო დიდი ინტერესი ავგუსტისა და მისი თანატოლების მიმართ.
მეოთხე გაკვეთილი ჩავატარეთ 31 მაისს. მოსწავლეები წაკითხული ტექსტიდან გამოკვეთენ პერსონაჟებს, აკვირდებიან მათ საქციელს და ქმნიან პერსონაჟის რუქას. ადარებენ გმირებს ერთმანეთს, გმობენ უარყოფითს და მისაბაძად მიიჩნევენ დადებითი გმირების თვისებებს. გამოიკვეთა გაკვეთილის დევიზიც: ,,მისტერ ტაკუნმენ, თქვენი მსგავსი დირექტორი ყველასთვის მისაღებია".
24 მაისს ჩატარდა მესამე გაკვეთილი, რომელსაც ჩვენ დავარქვით ,,მხარი დავუჭიროთ ავგუსტს".მოსწავლეები წაკითხული მასალიდან გამოკვეთენ ნაწარმოებში დასმულ პრობლემებს, ახდენენ პრობლემის იდენტიფიცირებას, გამოთქვამენ საკუთარ მოსაზრებებს პრობლემების შესახებ, ერთვებიან დებატებში.
22 მაისს ჩატარდა მეორე გაკვეთილი. მოსწავლეები იწერენ დასამახსოვრებელ ფრაზებს, მსჯელობენ მათ ირგვლივ. გამოთქვამენ სურვილებს და მოლოდინებს, თუ რის მიღება სურთ ამ გაკვეთილებიდან. მოსწავლეები ხატავენ და ქმნიან ნაწარმოების გმირის პორტრეტს, აფასებენ საკუთარ შემოქმედებას.
2017 წლის 17 მაისს ჩატარდა პირველი გაკვეთილი. წიგნიერების პროექტის ფარგლებში მოსწავლეები ეჩვევიან წიგნთან მუშაობას. დასამუშავებლად ავირჩიეთ რაქელ ჯარამილოს ,,საოცრება". წიგნის წაკითხვის დროს მოსწავლეები აცნობიერებენ, რომ წიგნში უკეთ არის გადმოცემული ავტორის გრძნობები. ბავშვები აღიქვამენ, რომ წიგნის კითხვა ძალიან საინტერესო პროცესია და მან სასიამოვნო მიჩვევა იცის. პირველ დღეს (შემდეგშიც) მოსწავლეები კითხვის დროს ყურადღებას ამახვილებენ მეტყველებაზე, ხმის ტემბრზე, დიალოგების დროს პერსონაჟების ხასიათიდან თუ ქცევიდან გამომდინარე. მოსწავლეები გამოთქვამენ ვარაუდებს წიგნის შინაარსთან დაკავშირებით.
